Chopstick mitusok sa ilong, utok sa bata
GIKINAHANGLAN nga kuhaon sa ilong sa dos anyos nga batang lalake ang chopstick nga nilapos ngadto sa iyang utok dihang aksidente kining napasok sa iyang ilong.
Nigahin og upat ka oras ang mga doktor aron makuha ang chopstick kang Huang Zicheng dihang nitusok kinig mga tulo ka pulgada sa iyang utok.
Ang MRI scan nagpakita sa butang nga napasok sa ulo sa bata.
Maayo nalang kay ang chopstick wa makahatag og kadaot sa kaugatan niini busa ang bata nga gikan sa Wuhan, Hubei Province, China, gikatakda nga mahibalik na sa iyang natural nga sitwasyon.
Ang iyang amahan nagkanayon nga nasayran niya ang aksidente dihang nakadungog siya kang Zicheng nga nisiyagit, matod sa taho sa Metro.
“I turned around and was shocked to find that the long stick had gone into his head from his nose,” saysay sa amahan.
Kining naaksidente nga naglambigit sa chopstick unya bata ang biktima di na bag-o sa China.
Sayo ning tuiga, usa ka 18 anyos nga lalake nalandig sa tambalanan human natusok usab sa chopstick ang iyang baba samtang siya nagdagan.
Ang chopstick nisud sa iyang baba ug nilapos kini nga mga usa ka pulgada sa iyang utok.
Mapasalamaton ang usa ka Insik nga batang si Li Kaiyi nga maayo na ang iyang kahimtang karon human nakuha ang naasoyng butang.
Si Li nakigduwa sa balay sa iyang higala didto sa Chinese City sa Yueyang sakop sa Hunan Province dihang nahitabo ang aksidente human sila nangaon.