Guiness World Record sa Zumba sa Sugbo

TUMONG Cebu Cebu Zumba Instructors Network inubanan sa Rotary Club sa Cebu Fuente nga malangkat ang titulo sa Guiness World Records isip labing dako nga nakaporma og Human Pink Ribbon ug labing daghang partipante nga misalmot og Zumba Class sa Cebu City karong Oktubre 18, 2014 sa north parking area sa SM City Cebu.

Apan kinahanglang mapukan sa dakbayan sa Sugbo ang ang kasamtangan record sa India nga 6, 847 nga partipante sa Human Pink Ribbon Formation ug 6, 671 ka partisipante sa pinakadaghang partisipante sa zumba class.

Gumikan sa kasamtangan record nga nakulit sa India tumong sa organizers nga makaabot og kapin 2, 000 ka partisipante ang mosalmot sa maong kalihukan ug giengayo usab ang mga Cebuano nga mosalmot sa maong kalihukan ug mosul-ob sa ilang paborito nga pink shirts.

Matod ni Me’anne Solomon sa Rotary Club sa Cebu Fuente atol sa press conference nga gipahigayon sa Casino Español, “We are doing this not just to show the whole world that we are one for a cause but we are saving lives. Let’s do it for Cebu. Let’s do it for women. Let’s do it for saves lives.”

Alang sa labing dako nga zumba class ang mga partisipante kinahanglan nga mosayaw og 30 minutes nga minimum time ug kinahanglan nga adunay outline nga pink ribbon isip simbolo sa mga hurado alang sa Human Pink Ribbon Formation.

Matod ni Lita Quisumbing nga adunay 45 ka lisensyado nga zumba instructors kinsa mogiya sa mga partisipante alang sa sayon nga zumba routines.

Sa mga interesado nga moapil 3:00 sa hapon ang assembly time ug magsugod ang kalihukan 5:00 sa hapon apan aduna kini registration fee nga P50 kon magparehistro gikan sa Septiyembre 1-30 samtang P100 gikan Ocktobre 1-17 ug P150 kon magparehistro atol sa kalihukan.

Mahimo nga moparehistro sa world record booth nga anaa nahimutang sa Sports Zone sa SM City Cebu o mamhimo usab nga motawag sa Rotary Club sa Cebu Fuente sa 09228422555 o 09326605828.

Ang mga partisipante makadawat usab og pink bandana ug wristband.

Ang proceeds sa maong kalihukan ipadangat sa World Vision ug Ican-Serve Foundation Inc.