NASUBHA'G KADAUGAN
GISUGDAN sa Gilas Pilipinas ang ilang kampanya sa 2014 Asian Games basketball tournament pinaagi sa 85-76 nga kadaugan batok sa India kagahapon sa Incheon, South Korea. Sa kadaugan, pormal nga nakasulod sa quarterfi round ang Gilas apan mahimo pa nilang isaka ang ilang posisyon kon modaog sila sa sunod nilang tahas sa preliminary round batok sa gikahadlukang Iran.
Gipangulohan nila ni naturalized Marcus Douthit ug sharpshooter Jeff Chan ang kadaugan sa Gilas pinaagi sa ilang 14 puntos matag usa.
Ang Gilas, nga lab-as pa gikan sa ilang positibong kampanya sa 2014 FIBA Basketball World Cup sa Spain, bangis nga ningsugod sa duwa ug nakamugna dayon kini’g 16-0 nga labaw.
Gidugkatan ni LA Tenorio ang sayong pagsutoy sa opensa sa Gilas pinaagi sa iyang back-to-back
three-pointers. Human niini, nakamugna og sunodsunod nga turnovers ang India tungod sa hugot nga depensa sa Gilas. Napahimuslan sa Gilas ang sunodsunod nga
turnovers sa India nga maoy hinungdan nga nakamugna si Chan og walo ka sunodsunod nga puntos
– duha ka three- point shots ug usa ka jumper – nga maoy nakahatag sa Gilas og 16-0 nga labaw.
Human sa 1st quarter, si Chan nakatigom na og 11 ka puntos.
Dihang nangigo na ang shooters sa India pinangulohan nila ni Pratnam Singh ug Vishesh Bhriguvanshi, nakagukod sila ug napahak nila ang labaw sa Gilas, 24-16.
Sa 2nd quarter, ang 2nd unit sa Gilas nga gipangulohan nila ni international basketball rising star June Mar Fajardo ug Gary David nagbangis ug nainat og maayo sa mga Pinoy ang ilang labaw ngadto 45-28.
Nagkumboya sila si Fajardo ug David sa pagmugna nag-unang 17 puntos sa Gilas sa 2nd
quarter- siyam kang Fajardo ug walo kang David. Si Fajardo, kinsa produkto sa University of Cebu (UC) Webmaster, nakamugna og 12 puntos human lang sa 1st half. Miaksyon na sab paggukod ang India sa 3rd
quarter ug napahak nila pagbalik ang labaw sa Gilas. Sa pagpangulo nila ni Douthit ug Tenorio, ang Gilas nimugna og 10-0 run aron inaton na sab ang ilang labaw ngadto sa 62-44.
Wala dayon miisa sa ilang bandera ang India. Niaksyon na sab kini paggukod sa 4th quarter ug gipahak na sab nila ang labaw sa Gilas ngadto sa walo, 84-76, sa hinapos nga bahin.
Apan wala nakalahutay ang India ug nahutdan na sila og oras.