Pilipinas naa na'y medalya

NAREHISTRO sa delegasyon sa Pilipinas ang labing una niining medalya human nakaangkon og silver si Daniel Parantac sa wushu men’s tajiquan event kagahapon sa 2014 Asian Games sa Incheon, China.

Si Parantac nakamugna og 9.68 puntos sunod sa naka- gold medal nga si Chen Zhouli sa China, kinsa mitali og 9.78 puntos.

Sa miaging adlaw, nakakita nang daan og kahayag ang Pilipinas gikan sa wushu event human sa maayong gipakita nila ni Francisco Solis ug Jean Claude Saclag.

Ang duha ka wushu artists pulos na nakaseguro og bronze medal human sila nakaposte og kadaugan sa quarter-finals sa miaging adlaw.

Si Solis milupig kang Wong Ting Hong sa Hong Kong, 2-0, aron pag-abante sa

semifinals sa men’s -56kg sanda. Gisundan kini ni Saclag og laing dominanteng kadaugan batok kang Lin Tun Kyaw sa Indonesia, 2-0, nga naghatod kaniya sa

semifinals sa -60 kg. Sanda. Sa sunod niyang tahas, ang 23 anyos nga si Solis makigparang kang Zhao Fuxiang sa China.

“He (Solis) is now very raring to go to the semifinals. Gusto na niyang lumaro agad,” asoy ni Wushu Federation of the Philippines secretary-general Julian Camacho sa interbyu sa Spin.ph.

Ang ikatulong Pinoy nga pambato sa wushu nga si Divine Wally napakyas pagsulod sa medal round human siya gilupig ni Kim Hyebin sa South Korea, 2-0, sa quarterfinals sa women’s -52kg sanda.