Wa ko mobasol ni Jonas: Mike

WALA mobasol si Cebu City Mayor Michael Rama sa dakbayan sa Mandaue bahin sa grabeng baha nga masinati panahon sa dakong uwan sa Mahiga Creek nga nahimutang sa utlanan sa duha ka siyudad.

“We don’t create conflict, we create bridges. I have not quarreled with Mandaue (Mayor Jonas Cortes) I have not blamed anyone. I love Cebu of course that includes Mandaue, I promote Mega Cebu that means we need to be connected,” paghulagway ni Rama.

Una niini si Cortes nipadayag nga angayan magtinabangay ang duha ka local government unit inay magbasulay kon si kinsa ang hinungdan sa pagbaha sa lugar.

“All we need is respect. We never blame Cebu City. Ang foot bridges dili lang sa Mandaue. It would be unfair on my part projecting Mandaue nga maoy cause sa baha,” matod sa sayong pamahayag ni Cortes.

Si Mayor Michael Rama kinsa maoy unang nilimpyo sa mga nagpuyo sa mga balay nga nagpuyo sa three-metereasement sa mga sityo sa Barangay Mabolo tulo na katuig ang nakalabay gumikan sa kapeligro sa ilang kinabuhi panahon sa baha nimando sa pagpaguba sa mga taytayan sa tawo sa maong dapit.

“I do not know who is making me quarrel with Jonas,” matod ni Rama uban sa pagbutyag nga dili si Cortes maoy iyang kaatbang sa pulitika ug adunay siyay laing kontra pagkamayor sa umaabot nga 2016 eleksyon.

Ning bago, ang Mandaue City nipaguba na usab sa mga balay sa ilang habig nga nasulod gihapon sa tulo ka metros gikan sa kilid sa sapa.

Si Atty. Jose Daluz III sa Cebu City Government nagkanayon nga gikan sa 22 ka mga foot bridge nga nagsumpay sa duha ka siyudad, 16 niini ang angayan nga idemolish sanglit iyang gihulagway nga nagdobledoble na ang taytayan diin ang uban diretso sa balay. Apan iyang gibutyag nga sa dili pa nila gubon ang mga tulay, makigalayon sila sa buhatan ni Cortes.