Curry wala kapugngi atol sa iyang birthday

ATOL sa iyang adlawng natawhan, si Stephen Curry nagpakatap og double-double nga 25 puntos ug 11 assists aron agakon ang host Golden State Warriors batok sa New York Knicks, 12594, kagahapon sa National Basketball Association (NBA).

Sa usa ka timeout, ang mga dumadapig sa Warriors nanganta og “Happy Birthday” alang kang Curry, kinsa nagsaulog sa iyang ika-27 ka tuig nga adlawng natawhan.

‘’It was a fun night all the way around,’’ matod ni Curry. ‘’ It’s special that they’re having fun.’’

Gihuman ni Curry ang 1st half pinaagi sa iyang off-balance three-point shot. Mitali siya og 6-of-10 sa three-point area.

Ang partner ni Curry nga si Klay Thompson nimugna og 27 puntos lakip sab niini ang unom ka tres.

Gitawag og Splash Borthers, sila si Curry ug Thompson nagkumboya og 29 sa 47 puntos nga nahimo sa Warriors nga maoy nakapahimo sa duwa nga linubnganay.

Ang Knicks gipangulohan ni Andrea Bargnani pinaagi sa iyang 18 puntos samtang nitampo og 14 puntos si Alexey Shved.

Ang Warriors ningilog og balik sa overall leadership bitbit ang 5213 nga rekord.

‘’When those guys get hot it’s really hard to cool them off,’’ matod ni New York player Lance Thomas. ‘’Once we took our foot off the gas defensively, that’s when they executed.’’

Sa wa pa nagsugod ang duwa, gipahalipayan na si Curry og cake nga adunay porma sa iyang All-Star 3-point contest trophy ug bag-ong Under Armour sneakers.

‘’That’s probably the craziest cake (I’ve had),’’ matod ni Curry.

Sila si Curry, Thomspon, Andrew Bogut ug Andre Iguodala gipapahuway ni coach Steve Kerr sa miaging duwa sa Warriors diin napilde sila sa Denver Nuggets, 103-114.

‘’We looked like ourselves again with our pace and taking care of the ball,’’ pasabot ni Kerr. ‘’Thirty-four assists to (nine) turnovers, that’s a coach’s dream.’’