77-anyos nga lalake ang kinatas-an og mga kuko
USA ka Indian national ang gideklarar sa Guinness World Records nga adunay labing tagas og mga kuko sa iyang wala nga kamot.
Kon sumadahon tanan, moabot sa 358.1 ka pulgada o halos 30 ka tiil ang gitas-on sa mga kuko ni Shridar Chillal, 77, ug molupyo sa Prune City, India.
Ang kuko lang sa iyang kumagko mosukod na og 6.5 ka tiil.
Sukad niadtong 1952, wala na manghinguko sa iyang mga kuko si Chillal human sa insidente uban sa iyang maestro nga nakadayeg sa iyang mga kuko sa kamot.
Siya niasoy nga dihang bata pa siya, gibunalan sila sa ilang maestro tungod kay nabali sa usa sa iyang mga higala ang kuko niini.
“The teacher had grown a very long nail. We asked him why he had beaten us so much just for breaking his nail. He said we would not understand it as we had never grown long nails. After that, we took it as a challenge to grow our own nails,” sugilon ni Chillal.
Ang iyang mga kuko dali ra mangabali hinungdan nga nag-amping siya sa iyang pagkatulog.
“I can’t move much, so every half an hour or so I wake up and move my hand to the other side of the bed,” asoy niya sa Guinness World Records.
Ang ubang mga tawo mangutana kon nganong nagpataas sa iyang mga kuko si Chillal tungod kay dili na kini practical.
Apan ang ubang mga scientist mas adunay dakong pangutana, nganong ang mga tawo adunay mga kuko sa kamot.
Si John Hawks, usa ka biological anthropologist sa University of Wisconsin-Madison, nisulti sa Live Science nga ang mga scientist padayon nisusi kon nganong ang mga tawo ug ubang primates adunay mga kuko nga kadaghanan sa mga mammal kay kuma ang gamiton sa paglungag ug pagkatkat.