Barangay sa Liloan gipasidunggan sa kalimpyo sa lugar

USA ang Barangay Poblacion sa lungsod sa Liloan nga nakadawat og pasidungog isip National Search for Barangay with Best Sanitation Practices (NSBBSP) sa regional category.

Nakadawat ang maong barangay og P150,000 gikan sa Department of Health (DOH) 7 atol sa awarding ceremony nga gipahigayon niadtong Septiyembre 30.

Lakip nga nakadawat sa susamang pasidungog ang Barangay Buangan, Clarin sa Bohol.

Mismo si DOH Chief of the Regulation Licensing Enforcement Division, Dr. Sophia Mancao ang nitunol sa plake ug cash prize sa maong mga barangay.

Gipasidunggan usab atol sa maong kalihokan ang Zero Open efecation (ZOD) Barangays sa Central Visayas.

Unom niini ang lakip sa listahan sa Philippines Approach to Total Sanitation (PhATS) diin usa kini ka proyekto sa Islamic Relief Worldwide (IRW) ug sa UNICEF.

Ang maong mga barangay gilangkuban sa Oboob, Sillon, Putian, Kabangbang, AtopAtop sa Bantayan ug Barangay Tominjao sa Daanbantayan alang sa amihanang bahin sa Sugbo.

Lakip nga gideklarar nga ZOD sa rehiyon ang Buangan, Cabog, Katipunan sa Bohol ug Poblacion, Camudlas, Tubod, Batangan, Canluto, Domolog, ug Bulod sa Negros Oriental.

Ang kapitan sa barangay Kabangbang nga si Jeffrey Lerida sa Bantayan nibutyag nga lisod nga himuong ZOD ang usa ka barangay.

“It’s difficult to convince people to follow a certain practice when they are so used to their old ways.”

Unom ka higayon ang gibuhat sa maong barangay aron makuha lang nga wa nay taw nga magpataka og labay sa iyang hugaw bisan asa pa sa ilang dapit.

“But slowly, we were able to get everyone to participate. I actually gave up on the fifth try, but in one meeting, one health worker demanded we give it another try. I’m glad that we did because we finally got the ZOD,” dugang ni Lerida.

Gihangop usa sa IRW ang maong pagpasidungog sa DOH 7.

“It is an honor to be working with our partner communities awarded today and we hope that next year they will be able to pursue being the best in the region in terms of sanitation practices,” matod ni Leah Bugtay, program coordinator sa IRW.

Sa gihimo nga survey sa UNICEF sa milabay nga tuig human sa bagyong Yolanda, aduna sila’y natala nga 17.3% nga panimalay nga ubos sa PhATS (Eastern Samar, Samar, Leyte, Cebu, Capiz ug Iloilo) ang nihimo og open defecation ug ang Cebu mao ang aduna’y labing taas sa 42.3%.

Ang ZOD nagpasabot nga wala nay tawo o indibidwal nga molabay sa iyang hugaw sa kilidkilid o hawan nga dapit ingon man aduna’y proper hygiene ang mga residente sa maong dapit ug igo nga pansayan.