Mga other woman sa Etiquette
BAGAY kaayo ni Chynna Crab, ang komedyanteng nagbalik showbiz, ang papel niya sa Etiquette for Mistresses.
Samtang si Iza Calzado na-intriga tungod sa iyang opinion mahitungod sa surrogate mother, apan deadma lang ang byuti kay super aktingan ang iyang prioridad.
Si Claudine Baretto, sa laing bahin, balik Kapamilya na ba gyud kaha? Pasiuna lang una kining iyang ipakita sa movie gikan sa Star Cinema.
Ug si Kim Chiu ang pinakabata ug wa pay grabeng experyensya sa gugma apan gitagaan ug kinabuhi ang usa ka challenging nga role nga makahimo niyang usa sa mga batikang aktress sa umaabot.
Ang pinakakontrobersyal nga si Kris Aquino maoy tigtambag sa mga sama kaniya usab nga ang papel kabit dinhi sa Etiquette For Mistresses.
Morag may pagka- light comedy ang dating sa movie pero kon susihon og maayo medyo lawom og daghang makuhang pagtulun-an kining pelikula ni Direk Chito Roño.
Nahimong bonding ug sinugdanan sa usa ka maanindot nga friendship ang nahitabo sa lima ka aktres, diin gipuga gyud og maayo ni Direk Chito ang ilang abilidad sa natad sa pag-arte.
Estorya sa managhigalang other woman nga may mga salimuot nga kinabuhi uban sa tawong ilang gihigugma. Dinhi si Kris ang maghatag kanila ug mopasidaan sa mga do’s ug don’ts isip usa ka mistress.
Kini usab ang mosulti ug mopahibalo kon asa sila molugar isip mga kabit. Kini pa lang gani morag koryoso na kaayo tang molantaw sa maong movie. Dili lang siguro sa estorya lakip na usab sa panagtigi sa natong mga bida Kon pagarte ang hisgotan. ay’g saba!
Kapamilya na gyud si Sarah Lahbati, ang guapang misis ni Richard Guttierez. Daghan ang nakasunod sa mga guesting ni Sarah sa mga programa sa dos tungod ini nakomfirmar sa uban nga Kapamilya na kini.
Bisan pa man ug nagpa-igot pa ang guapa sa pagtubag sa mga ma-intrigang kwestyon sa iyang pagbalhin. Kon si Sarah pay pasulti-on malipayon siya sa ABS-CBN ug sa dagan sa iyang career karon.
Gani miangkon ang babaye nga daghan siyang nadeskubrihan sa iyang kaugalingon nga karon lang niya nakita. Mao nga dili na lang unya ta mahibulong nga mipirma na kini og kontrata sa Kapamilya, ay’ g saba!
Hapi bertday kang Ferolyn Repunte, Linda Midelo, Clark Bayalas ug Miguel “Myke” del Corro, hapi bertday ninyong tanan, ay’g saba!