Unsay buhaton aron maayo ang imong pagpakigsulti sa uban
BISAN kinsa kanato mamahimong maka- master sa interpersonal nga komunikasyon. Apan adunay pipila lang ka mga binuhat ang natural nga maayo niini. Kasagaran, nagkinahanglan kini og pagkugi aron mahanas. Adunay mga pamaagi aron maangkon ang epektibong pakigkukabildo:
Sugdi kini sa pagpamatyag sa kaugalingon
Nasayod ka ba unsay imong estilo sa pagpakighinabi? Unsa ang epektibo ug ang di? Kon wa ka pa masayod, kuha og mga feedback aron ikaw makahibawo sa imong kalig-on ug kahuyang.
Ikonsiderar kanunay ang huna-huna sa ubang tawo
Pananglit sa interpersonal nga komunikasyon, planuha og una unsaon nimo pagduol o diskarte. Sugdi kini sa paghunahuna nga adunay laing tawo- suwayi ug ibutang sa hunahuna nga ikaw mas ubos kanila ug tukia kon unsay anaa sa ilang panglantaw, balatian, ug kon unsay mahimong reaksyon nila sa imong mga isulti.
Hukom una unsay imong gustong sangpotanan
Ang sangpotanan sa usa ka pagpakighinabi kinahanglan nga way napilde, pulos nidaug bisan nga di tanang gusto nimong sangpotanan makaayo sa usa ka relasyon.
Pakisayod
Bisan ang mga kasayuran di mahimong sentro sa panagsultihanay, gikinihanglan mo kini aron pagpabilin sa hisgutanan nga di bias. Lisod sulbaron ang mga butang kon ang imo lang nahibawug ba sehan mao ang “ingon
siya, ingon sila.”
Bansaya ang kalmadong tingog sa pakighinabi
Kini gikinahanglan og taas nga oras, ilabi na kon ikaw emosyonal bahin sa sitwasyon. Kinahanglang mokalma ka una, usa pakighinabi sa kalmado ug klarong tunada.
Paminaw samtang ikaw nag-estorya
Ang epektibong interpersonal nga komunikasyon two-way street. Gikinahanglan nga mogahin ka og 50% sa pagpaminaw sa panagsultihanay. Usahay preparado na kaayo kita ug nag- focus. Mamahimong di makasabot ang imong tigpaminaw niini. Hunong human sa pipila ka estorya aron makatubag ang ang uban.
Ayaw pagdahom
Dili nato makontrol o mausab ang si bisan kinsa. Kini usa sa labing sayong konsepto nga dali kaayong hikalimtan.