7 ka buhat unsaon pagpatay sa stress
KANUNAY kitang nagdali. Makahurot kini sa imong enerhiya. Kon mapiit ka sa mga butang nga di na nimo makontrolar maka- stress kanimo. Kon gusto kang mominos ang stress ug mokalma ug mabugnaw ka, niay pipila ka tips nga imong mabansay.
1. Palabya
Kining butanga susama og katapusan na sa kalibutan karon? Di baya (promise). Kon magpadala ka sa kabug-at sa sitwasyon, di kini makaayo kanimo. Kay naa ka na man ini, palabya.
2. Ginhawa
Sa sunod higayon nga masugamak ka sa bug-at nga sitwasyon nga magbitad kanimo sa pagdali, hunonga una ang imong gibuhat sud sa usa ka minuto ug buhata kini:
Ginhawa og lawom sa lima ka higayon. Hunahunaa nga ang stress mibiya sa imong lawas matag ginhawa nimo.
Pahiyom. Mahimong magpakaaron ingnon ka. Mahimong imong balikbalikon matag oras kini nga exercise.
3. Paluaga ang lawas
Human sa breathing session, tan-awa ang imong lawas kon wa bay mga dapit nga hugot. Bisan unsa nga bahin nga nanghugot, wa pa mokalma. Hinaya pagmasahe ang bahin sa imong lawas nga nanghugot pa aron maka- relax ka.
4. Usap og hinay
Usap og hinay sa talad kan-anan kon gusto kang mapasensyuso ug mogamay. Ang pagpaspas sa pagkaon maoy seguradong paagi nga daghan ka og makaon nga sobra sa imong gikinahanglan. Tagamtama ang lami sa imong gikaon gikan sa kalami ngadto sa baho niini. Usap og hinay samtang magtagna-tagna ka sa mga sagol.
5. Enjoy sa kinabuhi
Kon ikaw maghuna-huna og maayo sa resulta, kapoy ni. Ang paggukod og damgo nga lisod kab-uton nagkinahanglan og taas nga panahon ug pasensya. Bahina ang dakong tumong ngadto sa gagmay aron daghan ka og kasaulogan nga mahimo kon tagsa-tagsa kini nimong makab-ot. Madasig ka.
6. Tan-awa ang mas dako nga talan-awon
Kon sa sunod higayon mosaka na usab ang imong stress, ginhawa og lawom ug pangutan-a ang imong kaugalingon. Importante pa ba kaha nako kini sa… Sunod semana Sunod buwan Sunod tuig Paglabay sa 10 ka tuig.
7. Ayaw himoang perfect ang imong kaugalingon
Di ka perfect ug kini okay. Naa bay perfect nga tawo? Wala. Kon naay mosulti, kini bakakon.