GILAS SUD SA FINALS
NASUGAKOD sa Gilas Pilipinas ang grabeng pagpanghudlat sa Japan hapit sa kinatibulk-ang duwa aron iposte ang 8170 nga kadaugan niadtong Biyernes sa
semi-finals sa Fiba Asia Championship sa Changsha Social Work Colleges sa China.
Sa kadaugan, ang Gilas nakasulod pagbalik sa finals diin ilang ikaharong ang
host China, nga ningtangtang sa korona sa Iran pinaagi sa 70-57 nga kadaugan sa laing semi-final nga engkuwentro.
Sa presstime, padayon pang nagsangka ang Gilas ug China kagabii sa championship
game.
Sama sa naandan, gipangulohan na sab nila ni Jason Castro ug
naturalized player Andray Blatche ang Gilas apan ang pagbuto sa threepoint bombs ni Dondon Hontiveros sa krusyal nga bahin maoy nakaagak kanila sa kadaugan.
Si Blatche nimugna og 22 puntos, nidugang og 20 puntos si Castro samtang nitampo og 18 puntos si Hontiveros, tanan pulos gikan sa three-point area.
Ang Japan kanunay ra’ng nagdikit sa Gilas hangtod sa nahabiling kapin sa tulo ka mga minutos, 72-68.
Gikan niini, ang Gilas nimugna og 6-0 run nga gidugkatan sa follow up shot ni Ranidel de Ocampo ug gituldokan sa ikaunom ug katapusang tres sa Sugbuanong si Hontiveros aron inaton ang ilang labaw ngadto sa 78-68 sa nahabiling 1:20 minutos.
Wala na nakabangon ang Japan gikan niini.
Human sa ilang makapakurat nga kapildihan batok sa
rookie squad Palestine sa premiro nilang tah a s ,
ang Gilas ningposte sa ikapitong sunodsunod nilang kadaugan.
Kini maoy labing unang higayon nga nag-abot pagbalik sa finals ang Pilipinas ug China gikan niadtong 1986 diin mingdaog ang puwersa sa mga Pinoy ubos sa paggiya ni coach Ron Jacobs.
Ang midaog sa finals mao ang makaangkon sa nag-inusarang automatic
slot sa Asia alang sa 2016 Olympics nga ipahigayon sa Rio de Janeiro. Ang Pilipinas katapusang naka- qualify sa basketball sa Olympics niadto pang 1972.
Giklaro ni Gilas coach Tab Baldwin nga ang ilang tumong sa pagsalmot sa torneyo dili lang ang pagsulod sa finals kon dili paglangkat gyud sa kampiyunato.
“We didn’t come here to be in the finals; we came here to win the gold,” matod ni Baldwin sa interbyu sa InterAksyon.com. Puntos matag usa
Gilas (81) - Blatche 22, Castro 20, Hontiveros 18, De Ocampo 8, Abueva 6, Romeo 3, Norwood 2, Pingris 2.
Japan (70) – Hiejima 28, Takeuchi 18, Tabuse 9, Ota 5, Furukawa 4, Arao 3, Tanaka 2, Hirose 1.