David mihangop sa bag-o niyang papel sa RP team
WALA panumbalinga ni Gary David ang pagkaus-os sa iyang papel gikan sa regular nga magduduwa sa Gilas Pilipinas ngadto sa reserba ug miunong gihapon siya sa team.
“It’s part of basketball ‘yung ganyang sitwasyon,” matod ni David, kinsa usa sa mga pambato sa Meralco Bolts sa Philippine Basketball Association (PBA).
“Ito ‘yung role ko ngayon, taga suporta pero kasama pa rin nila.” Si David nagduwa sa Gilas squad nga nahimong runnersa Iran niadtong 2013 FIBA Asia Championship nga gipahigayon sa Manila. Ang Gilas gigiyahan pa ni coach Chot Reyes niadtong higayuna.
Apan sa kasamtangang nagpadayon nga FIBA Asia Championship sa Changsha, China, si David nahimong usa sa duha ka mga reserba sa Gilas squad nga gidala ni coach Tab Baldwin. Ang laing usa nga reserba mao si PBA rookie Troy Rosario.
Gipasabot ni David nga gihangop na niyang daan ang iyang bag-ong papel niadtong wala pa mobiyahe ang Gilas paingon sa China alang sa Olympic qualifying event. “So set na yung mindset ko na anuman ang maitutulong ko sa national team, para sa mga players, gagawin ko. Kaya andito pa rin ako para sumuporta,” pasabot ni David sa interbyu sa Spin.ph. Isip reserba, si David kauban gihapon sa Gilas sa
training ug uban pang mga gimbuhaton sa national team. Hinuon giangkon ni David nga usahay dili niya malikayan ang pagkadismaya nga wala siya’y ikatabang sa Gilas sulod sa korte.
“Sa laro lang nasa likod kami ng bench. Nakaka-ilang lang kasi hindi ka nakakatulong sa laro,” matod ni David.
“Ganun talaga, part ng basketball yan.”