Piniliay sa 2016: Liloan

SUD sa halos 10 ka tuig, si Ma. Esperanza Christina Garcia Codilla-Frasco, 34, nangalagad isip usa ka manlalaban ug nagdumala sa Romulo Mabanta Buenaventura Sayoc & Delos Angeles law firm sa Sugbo.

Karon tuiga, ma-promote na unta siya isip partner sa law firm, apan iya una kini gipadaplin alang sa tinguha nga mahimong mayor sa Liloan.

Natawo sa pamilya sa mga pulitiko sa banayng Garcia sa Cebu ug Codilla sa Ormoc ug naminyo ni Liloan Mayor Vincent Franco “Duke” Frasco, si Christina nabaid sa pagpangalagad sa gobiyerno ug katawhan.

Siya nahimo nga consultant on projects and programs institutionalization sa Kapitolyo sa dihang ang iyang inahan nga si Kong. Gwendolyn Garcia, gobernador pa sa Sugbo.

Nakatabang usab siya sa malampuson nga P1.1 bilyones public-private partnership tali sa Manila Water Consortium alang sa pag-supply og tubig sa Sugbo ug laing PPP tali sa Filinvest alang sa katukoran sa P5 bilyones nga balor sa Business Process Outsourcing (BPO) Complex sa luna nga gipanag-iya sa lalawigan.

KAGIKAN

Ang iyang pagpapili pagka mayor sa lungsod sa Liloan ang unang higayon sa iyang suway nga pagsulod sa pulitika.

Sa kampanya, ang kaatbang ni Christina nipasangil nga wala kini masuhito sa mga panginahanglan sa lungsod sanglit dili kini lumad nga taga Liloan.

“First, I don’t see the fact that you were not born in a particular place as a hindrance to rendering service in that place, if that is what’s in your heart.”

Ang iyang paagi sa pagpangampanya mao ang pagsuroy sa kabalayan sa adlawan ug pagpahigayon og mga rally sa gabii.

“Importante kaayo makit-an gyud ka sa katawhan. Unya imo gyud mapabati pud nila imong kasinsero. I’m glad that I’m able to do that and so far, mainiton sad gyud ang pagdawat sa mga tawo.”

MGA ADBOKASIYA

Sa pito ka tuig isip first lady sa Liloan, siya nanghingusog sa mga adbokasiya alang sa kababayen-an, kabataan ug community development.

Sukad 2009, siya nagpasiugda sa mga programa sama sa Book Reading for Literacy ug Pasko sa Kabataan.

Naghimo usab siya og Liloan Loves Mommies program nga nagtudlo sa mga babayeng manganakay bahin sa maternal health ug newborn care ug naghatag og libre nga serbisyo sa maternal care.

Anaa usab ang Be Kind program nga iyang giumol nga nagtudlo og skills development ug livelihood sa mga single nga inahan ug mga asawa.

Si Christina nakahukom nga modagan

Igo lang mi motanyag sa among kaugalingon sa katawhan pero ang katawhan ang modesidir...” - CHRISTINA FRASCO

pagkamayor aron mapadayon ang nasugdan nga mga programa ug proyekto sa iyang bana nga mayor, usa niini ang gipatuman nga purok system diin niabot og 228 ang mga purok nga naumol sa lungsod.

Kon siya modaog, paningkamutan niya uban sa kaabag sa ubang mga opisyal nga mahimo na nga usa ka siyudad ang Liloan, labi na hapit na kini matuman.

Sa kasamtangan, nagsubay sa eight point agenda si Duke, apan himuon kini ni Christina og 10 point agenda nga naglangkob sa edukasyon, health and social services, economic enterprises, livelihood and employment, women and children, good governance, tourism and heritage, environment, infrastructure ug peace and order.

Kon modaog usab siya ug si Duke sa pagka bise mayor, matod ni Christina, mahimo nga usa ka maayong pares ang iyang bana sa pagpatuman sa mga programa ug pagseguro nga ang mga balaod nga mapalabang mopaluyo ug mopatuman sa mga proyekto ug programa sa mayor.

Sa iyang pagdagan, ang iyang kaatbang nipasangil nga nagsugod sila og dynastiya sa Liloan sa mga Frasco diin ang iyang inahan ug mga uyoan nagpapili usab og lainlaing puwesto sa lainlaing lugar sa lalawigan, si Christina namahayag nga kinahanglan maklaro ang konsepto sa dynastiya.

“So, ultimately kami igo lang mi motanyag sa among kaugalingon sa katawhan pero ang katawhan ang modesidir kon gusto pa ba sila nga ipadayon ang serbisyo, pananglitan dinhi sa Liloan, panerbisyo sa mga Frasco.”

TRIVIA

Natawo sa adlaw sa Pasko niadtong 1981 Nakat-onan niya ang paghimo og mga balak gumikan sa pila ka tuig nga pagkuyogkuyog sa iyang apohan nga si kanhi kongresista ug gobernador Pablo Garcia ug inahan nga si Kong. Gwen Garcia nga pulos lawom mag-Binisaya Nagtudlo og abogasiya Mga hilig: Magluto og Italian dishes, Greek ug Indian food; badminton, boxing Mangolekta og paintings, coffee table books ug autobiography sa mga inila nga personalidad sa kasaysayan