Kinatawo daw ‘white flower’ gipanghambog

(Napatik sa Superbalita Davao, Hunyo 9, 2016)

USA ka 37 anyos nga lalake ang gibalhog sa San Pedro Police Station human nagmaoy sud sa bar kay gikataw-an siya dihang nagpakita sa iyang kinatawo nga daw maguwang sa gamay nga botelya sa white flower.

Ang insidente nahitabo alas 12:45 kagahapon sa kaadlawon sud sa balay kalingawan sa Rizal Street, Barangay 3-A Poblacion, dakbayan sa Davao.

Ang gipriso mao si Gerry (bansagon gitago), 37, minyo, technician, nagpuyo sa Palma Gil Street, ning dakbayan.

Base sa blotter nga natala ni PO2 Perfecto Tuloy Jr., duty desk officer sa presinto dos, nasayran nga lango sa ilimnong makahubog ang suspek nga nagpahambog sa iyang gamay nga kinatawo.

Una niini, ang suspek nagbahisbahis atubangan sa nagkanta sud sa bar kinsa namulong nga gusto niya ang nagkanta dayon gipangutana kon pila ang bayad sa iyang pagkababaye.

Laing guest sa bar nagreklamo kay iya sab nga giinsulto nga di siya niini gumikan tambok kini og lawas.

Miulbo ang kasuko sa uban nga bisita dihang nag-maoy na ang suspek nga nagpaila nga pulis.

Naghubo ang suspek atubangan sa mga bisita kay gipanghambog ang iyang kinatawo.

“Nahagit nalang gayud ko sa pagpakita, gipasiwil nako. Ug garbo pod nako nga gamay kog kinatawo. Magbuot diay sila nga mao man ni gihatag sa Ginoo sa ako?” saysay sa suspek nga nahinabi sa Superbalita

Davao kagahapon atubangan ni PO3 Rizalito Clapiz III, imbestigador sa Homicide and Arson Section sa presinto.

Sukad sa pagsuwat ning balita, ang suspek kasam ta ngan nga gibalhog sa selda sa ka pu li san.