Remote control gihimo alang sa mga iro
MOABOT na unya ang higayon nga ang mga iro malingaw na sa ilang gusto nga salida sa telebisyon pinaagi sa labing una nga “pet-friendly remote” sa tibuok kalibutan.
Ang himan gidesinyo nga may kawrasanan diin mohatag kini sa iro og kahigayonan nga makakontrolar sa gogglebox.
Ang pet food maker nga Wagg, nga maoy misuway ning remote, namahayag nga ginama kini sa gahi nga waterproof plastic.
Ang dako nga mga buton diin may mga dagko nga ibabaw mohatag og kasayon aron makabalhin og mga channel ug mohatag og hinay nga kasubsob sa pagtuslok nga sayon sa mga iro.
Gihimo sa Wagg ang remote uban sa mga computer designer gikan sa University of Central Lancashire sa Preston.
“Our studies show the average dog now watches more than nine hours of TV a week, showing technology is already playing a huge part in our pets’ lives,” matod ni Ilyena Hirskyj-Douglas, usa ka researcher sa animal computer interaction, sa Sunday People nga gikutlo sa Mirror News.
Ang mga eksperto nag- monitor sa mga reaksyon sa mga buton, tingog ug color.
Kon mahingpit na ang ilang findings, naglaum ang Wagg nga makig-estorya sa mga kompaniya nga maghimo og “prototype” alang sa paghimo ning remote.
Niini, hayan mahitabo nga ang mga tag-iya sa mga iro makig-away na sa mga mananap sa paggamit sa remote control.
Ang tigpamaba nga si Dan Reeves malaumon nga molampos kini.
“We know that people can feel a little guilty about leaving their dogs in a room alone for a short while – whether it’s to pop to the shops or cook dinner in the kitchen. We wanted to create something that would keep the dog entertained and reassure owners of their well-being,” matod ni Reeves.