Baroganan ni Gullas nausab sa paghulip

UNANG gipahibalo ni Mayor Eduardo Gullas nga iyang hulipan ang tanang department heads sa iya unyang paglingkod sa katungdanan apan karong bag-o, nilugak ang baroganan sa mayor.

Si Mayor Gullas, nahinabi sa mga tigbalita, niingon nga iya unang tagaan og higayun sa pagpakita sa ilang labok sa trabaho ang deparment heads lakip na ang kapulisan.

Samtang, iyang itugyan ngadto sa screening committee ang padayong pagtuon kon si kinsa ang angayan hulipan ug kinsa ang hulipan.

Sa paglingkod ni Gullas, nanawagan sa tanang department heads nga kon dili moluwat sa katungdanan o moretiro.

Apan nasayran sa Superbalita Cebu nga nilingkod nga walay bisan usa ka department heads ang niduso og courtesy resignation.

Giklaro ni Gullas nga kun sa umaabot nga adlaw kon duna may paglahugay sa iyang mga department heads ug mga kawani, dili kini sabton nga may kalabotan sa politika apan.

Kini tungod kay gusto lang siya nga masiguro nga maayong serbisyo ang mahatag ngadto sa mga Talisaynon ug mabutang sa puwesto ang tawo nga angayan sa maong trabaho.

Lakip sa gipahibawo ni Gullas nga ang iyang hepe nga si Supt. Germano Mallari magpabilin usab sa iyang katungdanan.

Nagkanayon kini nga dili usab makiangayon alang ni Supt. Mallari nga iyang ilisan nga wala pa kini makapakitag labok ubos sa iyang administrasyon.

Hinuon, iya kining giawhag nga hingusgan ang kampanya sa tanang matang sa ilegal ilabi na sa ginadiling drugas.