Minoriya sa konseho sa Mandaue hatagan og chairmanship sa komiti
GIPASUMBINGAY ni Mandaue City Vice Mayor Carlo Fortuna kagahapon nga abli ang mayorya sa konseho sa dakbayan nga hatagan ug katagsiyahan kon chairmanship sa komitiba ang minorya nga miyembro sa konseho.
“We are still finalizing. The chairmanships will likely be held by the majority but it is likely also that the minority will be given committee assignments,” sumala pa ni Fortuna.
Hinuon, giklaro sa bise mayor nga ang tulo ka minority member nga sila si re-electionist Benjamin Basiga kinsa anaa sa iyang ikaduhang termino ug ang mga bag-o nga silang, and konsehal Elmer Cabahug ug Malcolm Sanchez, di makakuha ug “juicy chairmanship” panahon nga pormal na ang pag-abli sa inaugural session sa ika-14 nga Sangguniang Panlungsod karong hapon sa Mandaue City Sports Complex.
Matod ni Fortuna nga aprobahan pa sa konseho ang internal house rules nga ipinalisar pa sa committee composition.
Bisan pa man nga ipinalisar pa ang composition of committee, gipadayag nang daan ni Konsehal Kevin Cabahug ang interes niini sa komitiba sa mga youth ug sports, development ug committe on health.
Si Cabahug kinsa kanhi Sanguniang Kabataan chairman ug konsehal sa Looc, nagkanayon nga isip batan-ong miyembro sa konseho, iyang adbokasya ang paghatag sa iyang saad sa konstituente atol sa kampanaya kabahin sa sports ug panglawas.
Si Elmer Cabahug, kinsa ig-agaw ni Kevin, buot ga makuha ang komiitba sa sports tungod sa iyang kasinatian isip kanhi magduduwa sa PBA ug kanhi head coach sa University of the Visayas (UV) Green Lancers.
Si Sanchez, kinsa usa ka magtutudlo sa Cebu Doctors University buot makuha ang katagsiyahan sa natad sa edukasyon.
“I will know by next week during our first session,” matod ni Sanchez.