11th University Run ipahigayon, Agusto 28

IPAHIGAYON ang 11th University Run 3 Bridge Challenge karong Agosto 28 niining tuiga nga manukad diha atubangan sa Cebu Doctor’s University, North Reclamation Area sa dakbayan sa Mandaue.

Kini usa sa pinakataas nga lumba sa dagan diri sa dakbayan sa Sugbo nga giorganisar sa Run for Sight Foundation ug Cebu Doctor’s University

Ang partisipante bahinon ngadto sa upat ka kategorya nga mao ang 25K, 13K, 6K ug 3K.

Gitawag kini og 3 Bridge Challenge kay moagi ang mga mosalmot niini sa tulo ka tulay nga mao ang Old Mactan Bridge, Marcelo Fernan Bridge ug Cansaga Bridge.

Gawas sa lumba sa dagan, aduna usab kini contest sa water station ug Energy Dring stations.

Si Dr. Philip Larrazabal, board member sa Run for Sight, nga mokabat na ngadto sa 11 ka tuig ang pagpahigayon ning maong kalihukan.

“11 years na and every year’s getting more successful. I hope we’ll had more runners this year,” matod ni Larrazabal. Si Andy Choachuy sa Sunsports mibutyag usab nga “Open to the public ang event and Grade 11 and 12 are also invited.”

“The younger, the better.”, dugang pa niya.

Mahimong makaapil ang mga estudyante sa nagkalain-lain nga unibersidad sa dakbayan sa Sugbo.

Aduna pod kini zumba sa dili pa magsugod ang kompetisyon sa kada kategorya. Kini gipanguluhan sa CDU PE Instructor nga si Ms. Cathy Vestil. Ang registration niini pagahimuon

sa lobby sa Cebu Doctor’s University. Hatagan og diskuwento kadtong magparehistro hangtod sa Agosto 01, ning tuiga. Ang regular nga registration fee mokantidad og P800 sa 25K ug mahimong P700 nalang kini kung magparehistro og sayo.

Ang P700 sa 13K mahimong na kining P600 samtang P400 ang 6K ug P300 sa 3 K.