Triple tie nahulma sa Aduana cagefest

NALAMBIGIT karon sa triple-tie alang sa unang pwesto ang Canillas Brokers, PRM Broekrs ug MP Brokers, 2-1 nga baraha human ilang gipangpukan ang tagsa-tagsa ka kaatbang kaniadtong Sabado sa nagpadayon nga 2nd Aduana Legends basketball tournament sa San Roque gym, ning dakbayan.

Sa unang duwa, gipatilawa sa Canillas Brokers sa una nilang pilde ang PRM Brokers, 77-64, samtang midaog ang Joviya Brokers batok sa D&M Brokers, 87-49, nga maoy pinakadako nga winning margin nga 38 puntos.

Gilampurnas usab sa MP Brokers ang Petracorta Brokers, 57-45 nga maoy ikaduhang lop-sided game nianang adlawa.

Sukwahi sa niagi nilang mga duwa, ning higayona sila si Jun Gayo ug Janno Boniao nakatampo na sa maong kadaugan pinaagi sa ilang sais ug dos puntos matag usa.

Sa laing bahin, dako kaayo’g ngisi si Alfred Joviya dihang nakahimo siya’g double figures sa labin unang higayon diin miamot siya’g 10 puntos sa ilang kadaogan batok sa JD&M. First Game:

Canilllas (77)- Sigue 17, Sillar 14, Villacampa 8, Villarias 7, Canal 7, Gayo 6, Embrado 4, Belarmino 4, Boniao 2, Dela Cerna 2. PRM (64)Jaca 19, Palad 12, Abesia 10, Diano 6, Taladua 5, Mondin 3, Cena 3, Diano 3, Cabanada 1.

Second Game:

Jovita (87)- Garcia 28, Jovita 10, Carmen 9, Velez 8, Canete 8, Aragon 6, Mabolo 3. JD&M

(49)- Borromeo 14, Matibag 9, Canete 8, Asistio 8, Pongasi 2, Velarde 2, Zapanta 1. Third Game:

MP (57)- Ibo 18, Pastor 12, Nadal 10, Medalle 7, Agustinez 5, Gonzales 4, Quino 2. Petracorta

(45)- Jayme 18, Avenido 11, Solidarios 8, Sagario 4, Bacalla 4, Resma 2. (PR)