PBA players namatay atol sa ilang practice

GILIBUTAN og kahisubo ang komunidad sa Philippine Basketball Association (PBA) human sa daklit nga kamatayon sa magduduwa sa Blackwater Elite nga si Gilber Bulawan atol sa praktis sa team niadtong Dominggo.

Si Bulawan, 29, kalit lang nakuyapan atol sa ensayo sa SGS Gym sa Quezon City ug dali kining gidala sa Capitol Medican Center apan gideklarar kini nga “dead on arrival.”

Ataki sa kasingkasing maoy giingong hinungdan sa kamatayon sa 6’5” nga magduduwa.

“Yes, he’s gone na,” pagkompirmar ni Elite team owner Dioceldo Sy pinaagi sa text message sa www.pba.ph.

“It was so sad. Nag-collapse sya sa ensayo and we were there. I’m going to miss our jokes and his mano. He always calls me ‘boss ninong’ because he’s my inaanak pa naman sa kasal.”

Ang produkto sa San Sebastian College (SSC) Stags nag- average og 1.5 puntos ug 1.8 rebounds sa miaging Commissioner’s Cup conference.

Gipili siya isip 17th pick sa Meralco Bolts niadtong 2011 PBA Rookie Draft, nabalhin siya sa Barako Bull dayon sa Blackwater.

Si PBA commissioner Chito Narvasa mipadangat sa iyang pahisubo ngadto sa pamilya ni Bulawan.

“We are very saddened to hear of the passing of one of our beloved players and a member of our PBA family, Gilbert Bulawan. On behalf of the PBA, I would like to extend our deepest sympathies to his family and I would like to request everyone to pray for his eternal and peaceful rest,” opisyal nga pamahayag sa PBA.

Gituohan nga kini maoy labing unang higayon nga mitaliwan ang usa ka aktibong magduduwa sa PBA.

Mao sab kini ang labing unang higayon nga adunay magduduwa sa PBA nga namatay atol sa praktis o aktuwal nga duwa.