Mga paagi sa pagkab-ot sa maayong pagkaon
ALANG sa kinabag-an, maanindot ang pagtungha sa culinary arts. Apan sa kadaghanan, damgo ra ni. Gawas nga lisod ang panahon, mahal sab kini.
Kinahanglan bang moeskwela aron ka makahibawo kon unsaon pagluto alang sa maayong panglawas? Di. Kon gusto kang makahibawo sa paagi sa pagluto alang sa maayong panglawas, niay pipila nga angay mong mahibaw-an. 1. Gamit og prutas ug utanon inay mantika sa imong pag-bake. Matod pang Chef Matt Sramek nga usa ni sa iyang nakat-unan sa culinary school. 2. Pilia ang maayo og kalidad nga karne. Kon magluto ka og red meat, mas maayo nga ang hayop 100% nga gilawgan og sagbot. 3. Igo-igo lang nga karne ang angay kan-on. 4. Mas maayo nga presko ang imong lutuon ug abunda sa supply. 5. Gamit og bean flour alang sa cream-based nga sabaw. Matod pa ni chef executive Andre Fuentes nga ang bean flour daghan og protina ug perfect alang niadtong himili sa diet. 6. Hunong na sa paggamit og mayo sa tanang higayon. 7. Inay kan-ong humay ang imong kan-on, cauliflower ang imong himuon nga kan-on. Tadtara nga pino kaayo. Mantikai ni sa kaha, butangi og herbs hangtod nga mo- brown. 8. Kon magmantika ka, gamita ang coconut oil. 9. Pulihi ang suka o lemon juice og asin. 10. Gamit og herbs puli sa butter alang sa pangpalami. 11. Likayi ang paggamit sa refined sugar. Pangita og laing pangpatam-is. 12. Kon mag-smoothie ka og prutas, suwayi ang yellow nga tamatis inay mosagol ka og tubig. Ang acid sa tamatis mobalanse sa katam-is sa prutas. 13. Kon mag-pizza ug mag-pasta,
dugangi og dugang mga utanon.