MCWD mipalit og 3 ka trak
ANG Metropolitan Cebu Water District (MCWD) mipalit og tulo ka bag-o nga water trucks aron magamit sa mga konsumidor sa panahon nga magkuwang ang supply sa tubig.
Kini mahitabo atol sa brownout, adunay upgrading work o deficit sa water production.
Ang matag truck adunay 10-cubic-meter capacity ug nagkantidad ug P5.1 million matag usa. Ang winning bidder mao ang TKC Heavy Industries Corp. Kini nga water trucks automatic ang design ug modagan lamang sa 10 ngadto sa 15 minutos ang pagbomba sa tubig padung sa tanke sa mga konsumidor.
Sa wala pa ang dugang nga mga truck, ang MCWD adunay nay tulo ka truck nga adunay capacity nga 14 cubic meters, eight cubic meters ug five cubic meters.
Kining mga daan nga truck gigamit matag adlaw sa pag- deliver ug tubig sa mga dapit nga hinay ang pressure o walay tubig labi na atol sa ting-init diin ubos ang water production.
Sa unang first semester sa 2016, amg demanda sa trak nitaas tungod sa El Niño phenomenon.
Ang MCWD nipadala og water trucks sa nag-unang dapitr sa dakbayan lakip sa hotels, condominiums ug malls matag adlaw niadtong panahona nga kuwang sa tubig.
Sa summer, ang Production and Distribution Department (PDD) morsulta usahay sa paggamit sa trak tungod sa kahinay sa pressure gikan sa tinubdan.
Sumala ni PDD officer-in-charge Engr. Edgar Ortega, ang water trucks gamiton nga back-up lang.
Ang PDD maoy nagdumala sa operasyon sa mga trak alang sa paghaod og tubig sa konsumidor.