Itoy nakatulon og kutsilyo, buhi
NABUHI ang usa ka itoy human nakatulon og kutsilyo nga naay gitas-on nga 20 ka sentimetros. Milagro nga nabuhi pa kini.
Nangangha ang beterinaryo human niya gi-scan ang lawas sa unom ka buwan nga itoy nga usa ka Staffordshire bull-terrier nga ang ngalan niini mao si Lexi.
Ang tag-iya nangita og tabang kay nagtuo siya nga adunay sakit sa tiyan si Lexi apan gidali-pagdala paingon sa surgery human nabatyagan nga adunay makamatay nga kutsilyo ang tiyan niini.
Ang mga beterinaryo sa Animal Refferal hospital (ARH) sa Sydney, Australia nihatag og 45 minutos sa pagtangtang sa kutsilyo gikan sa iyang ubol-ubol.
“I’ve never seen anything like it, we knew that Lexi’s best chance for survival would be to remove the knife as soon as possible before it could cause more damage,” matod sa ARH Medical Specialists nga si Dr. Jody Braddock.
Nanginahanglan og tulo ka adlaw ug intensive care si Lexi aron masegurado sa mga doctor nga kon makatulon gihapon siya niining butanga di kaayo sakit ug mabantayan ang mga impeksyon o unexpected bleeding.
“I thought she was going to die, our vet said to rush her straight to the Animal Referral Hospital and they were amazing,” matod sa tag-iya.
Mapasalamaton siya nga kang Braddock ug mga technician nga nisalbar sa kinabuhi ni Lexi.
“Lexi’s always grabbing things to hide under the couch and play with them when we’re not looking - so that’s the only thing we can think of,” dugang padayag sa tag-iya.
Si Dr. Christine Hawke, veterinary dentist sa ARH, nagtuo nga adunay laing rason nga si Lexi dihang nakatulon kini og kutsilyo.
Matod ni Hawke nga dihang iyang nakita ang iro naobserbahan nga nihubag ang iyang baba kay ang iyang mga ngipon naduso sa iyang lagos ug aron mawala ang sakit mopaak kinig mga gahi.
“I noticed from the vision immediately that Lexi had a mal-occlusion, which is a common condition in some breeds where the dog has a sore mouth because their teeth push into their gum...and to stop the pain they’ll often bite on something hard, although on this occasion Lexie definitely bit off more than she could chew,” pag-obserbar niya.