Kapamilya star, dunay show sa Anniversary sale sa Country Mall

AGI og panapos sa tibuok bulan nga kasaulogan sa ika-23 nga anibersaryo sa Gaisano Main ug Gaisano Country Mall, moabot ang Kapamilya star Marlo Mortel nunot sa Anniversary Sale gikan Oktubre 28 hangtod 31, diin hangtod 70% ang diskwento sa mga piniling palaliton.

Sa Oktubre 31, Lunes, ilusad usab ang "A Million Thanks" raffle

promo alang sa minilyong kantidad nga mga pa-premyo, sama sa tulo ka brand new nga Mazda2 Skyactiv nga awto ug mga mahalong home appliances.

Ang sikat nga artistang si Marlo Mortel maoy molingaw sa tanang shoppers sa Country Mall sa Oct 31, Sabado, 7:30 sa gabie.

Si Marlo nisikat human nidaug isip Best New Movie Actor of the Year sa PMPC Star Awards 2016 sa salidang Haunted Mansion. Napili usab nga Best New TV Personality 2016 sa Kabantugan Awards ug nigawas sa "Oh My G!" sa ABS-CBN ug uban pang mga programa.

Ug kay Halloween na, ang Gaisano Main ug Country Mall mopahigayon ug "Trick or Treat" nga kalingawan alang sa tanang kabataan. Libreng snacks ug uban pa ang ipanghatag atol sa mga games nga ipahigayon. Pagsul-ob lamang og costume nga imong ganahan ma- horror, fantasy o sa paborito ninyong superhero ug mainyo ang maanindot nga premyo.

Nagpadayon usab ang pagpanawat og contestants ang Gaisano Main ug Country Mall alang sa ilang "The Sound of Christmas" Caroling Contest. Sobra sa P100,000.00 ang premyong ipanghatag.