UV midominar sa Milo SPB, Passarelle division

GIHAROS sa University of the Visayas (UV) ang Passerelle ug ang SBP division sa Milo SBP Passerelle basketball tournament human tagsatagsa nilang gipukan ang ilang mga kaatbang sa finals nga gipahigayon niadtong Sabado sa Cebu Sports Institute gym sa Sawang Calero dakbayan sa Sugbo.

Ang UV Passerelle mibuntog sa Sacred Heart School-Ateneo de Cebu pinaagi sa overtime, 60-58, samtang gipatugbabawan usab sa UV SBP division ang mao gihapong kaatbang nga SHS-AdC, 60-52, aron sakmiton ang mga titulo.

“We've been in the finals kadaghan na pero kini maoy unang higayon nga ang duha nagdungan gyud pagka-champion,” matod ni Jaymar Canoy kinsa maoy coach sa duha ka division.

Ang UV Passerelle ug SBP team maoy magrepresentar sa Cebu alang sa regional karong petsa 19-20 ning buwana didto sa Roxas City.

Atubangan sa ilang mga dumadapig uban ni Cebu First Distric Representative Gerald Anthony “Samsam” Gullas, ang UV determinadong nakigkombati sa Ateneo.\

Nabiyaan kini og dos puntos, 54-52, sa katapusang kuwatro segundos sa regulation period nga maoy nakapugos ni coach Canoy sa pagtawag og timeout.

Apan ang buzzer-beating shot ni Osias Padilla maoy nakatabla sa overtime, 54-54.

Sa overtime, ang UV misandig ni Joshua Canoy, kinsa maoy nahimong MVP, kinsa mipabuto og tr3es nga naghatag og labawe sa UV. Si Padilla mao usab ang niabag niCanoy aron pabukaron ang labaw, 5956 apan ang tubang ni John Aguilar sa Ateneo maoy naghatag og kasikit sa panag-engkuwentro.

Apan ang free throw ni Enriquez sa naghinapos nga bahin maoy nagselyo sa kadaugan alang sa UV.

Si Padilla mitapos sa duwa nga may 13 puntos aron pangulohan ang UV samtang si Canoy mipakatap og 12 puntos.

Sa SBP division, ang Ateno de Cebu, human malubong sa first quarter, nakamaniho kini sa paglupig sa UV sa second quarter ug mitapos sa first half sa 43-42 nga labaw.

Apan ang sunodsunod nga triple ni Mike Monton maoy naghatag og kalisdanan sa mga batos ni coach Leo Casinilio ilabi na sa naghinapos nga bahin.

“Gilupig lang gyud mi sa tawo, but we are proud that we gave them enough fight. Two years pa ko nga nag-coach ani nga team, but we've been in the finals already several times. Basta positibo ko ani nga mga bata with the support of the parents, I think moabot ra gihapon mi diha. Siguro di pa ni among panahon. We can do better pa,” matod ni Casinillo.

Si Franc Gabunada maoy MVP sa SBP division.