James, Irving mangulo sa East; Curry, Durant nag-una usab sa West

SI Stephen Curry maoy midaog sa tiebreaker aron ikakauban ang iyang teammate sa Golden State nga si Kevin Durant sa ilang lineup sa Western Conference alang sa AllStar Game karong Pebrero 19 didto sa New Orleans.

Mao usab kini ang mahitabo sa Eastern Conference diin ang teammates usab nga sila si LeBron James ug Kyrie Irving ang nakalusot usab sa starting five.

Ikatimbang ni Curry sa backcourt area si James Harden sa Houston Rockets kinsa milupig ni Russel Westbrook sa binutohay sa starting nga position sa Western Conference.

Ang mokompleto sa starting five sa Western mao sila si Anthony Davis sa New Orleans ug Kawhi Leonard sa San Antonio Spurs.

Samtang sa Eastern Conference, makig ayuda nila ni James ug Irving sila si Giannis Antetokunmpo sa Milwaukee Bucks, Jimmy Butler sa Chicago sa frontcourt ug si DeMar DeRozan sa Toronto sa backcourt.

Si James maoy leading scorer sa kasaysayan sa All Star Game ug maoy umaabot nga ikalimang player nga nahimong starter sulod sa 13 ka duwa.

“From the standpoint of people enjoy the way I play the game, they respect the way I play the game and at this point in my career I’m still doing something right,” matod niya. “Makes me proud, makes my family proud, and my support system, so it’s cool in that sense.”

Samtang wa makapaigo ang uwahing suporta sa mga Filipino supporters ug mga fans sa Los Angeles Lakers, human igo lang milandig sa ikaunom mga puwesto ang Fil-Am nga si Jordan Clarkson sa botohan alang sa mamahimong starters.

Ang Filipino-American guard nakakolekta og 450,979 ka botos sa final returns nga girelis sa NBA kagahapon.

Ang top two lang sa pinakadaghan og botos sa mga guards ang madala sa starting cast sa matag conference.

Si Clarkson wala malakip sa Top 10 sa voting returns nga gipahibawo sa NBA niadtong Enero 11 apan ning uwahing bahin sa dihang gilusad sa mga Pinoy ug mga Lakers fans ang hugot nga kampanya sa pagsuporta kaniya taas kaayo kini og naluksohan.