Unsay imong buhaton aron di mahigugma?
NORMAL sa matag usa kanato nga mobati og gugma apan usahay di malikayan nga moturok kini sa sayop nga panahon, sayop nga lugar ug sayop nga binuhat.
Adunay mga tawo nga dili unta gusto nga mahigugma tungod kay nagtugha pa sila ug gidid-an sa ilang ginikanan nga dili una mag uya-uyab samtang dili pa makatapos sa ilang pageskwela, apan dili malikayan nga kini bati-on tungod kay tawo lamang ta.
Mao kini ang mga sugyot para di na madisturbo ug matuman ang sugyot sa ginikanan nga mofocus sa pagtungha ug dili una mag uyab-uyab;
1. Likayan ang pagbarkada
Ang sinugdanan nga mamugna ang relasyon nga dili pa unta angay ilabi na sa mga estudyante nga batan-on mao ang pagbarkada tungod kay kasagaran magsugod pa sa sungog-sungog o ba kaha maimployensya lang sa kauban tungod kay nagparis-paris na ug kon dili ma- monitor sa kinikanan matumpawak sa kaalaotan.
2. Likayan ang pagflirt-flirt
Ayaw pagpakita nga nagka interes ka sa usa ka tawo aron dili mograbe tungod kay ang gugma sama sa virus nga kon mokatap na sa imong kasing-kasing ug utok lisud na kini nga wagtangon.
3. Isipa lang sila nga higala
Kon adunay maibog o ba kaha magka interest mas maayo nga prankahan nga dili una mag uyabuyab para dili moasa.
4. Dili magsige og bantay sa mga magtiayon o manag-uyab
Mas maayo nga dili mag sige og pamantay sa mga manag-uyab nga sweet kaayo aron dili masuya og maibog.
5. Likayan ang lugar diin adto mag-date ang manag-uyab
Sama sa plaza, shoping malls ug uban pa nga mga nindot nga suroyanan sa manag-uyab mas maayo nga dili nalang ka magsige og adto ug kon gikinahanlan, tungod kay adunay importante nga adtuon focus sa imong adtuon ayaw sige pamantay.
6. Likayan ang mga buhat nga posibli nga makapa-inlove
Aron malikayan nga ma- inlove dili magpalabi og suod sa usa ka tawo ug limitahan ang ang pagistoryahanay ug dili mosugot kon hagiton sa pagpanuroy aron wa’y relasyon nga maomol.
7. Pangita-an og rason para dili ma-inlove
Ayaw tan-awa ang iyang good sides kon dili tan-awa ang iyang mga bad-sides ug imong hunahunaon nga ma apply diha nimo aron di gyud ma- inlove.
8. Busy-ha ang imong kaugalingon
Apil sa mga kalihukan sa inyong eskoylahan o ba kaha busy ang imong kaugalingon sa pagkahin sa mga sports nga lihukan, gym ug uban pa nga mga kalihukan nga mabusy ang imong hunahuna.
9. Ilista ang imong mga pangandoy
Hinumdoman permi nga posibling babag ang pag uyabuyab sa mga pangandoy ug focus sa carrier o ba kaha pag eskoyla.
10. Higugmaa ang imong kaugalingon
Higugmaa ang imong kaugalingon pinaagi sa pag lingaw-lingaw kauban sa mga higala nga imo ra usab nga mga kaliwat o ba kaha sa imong mga ginikanan tungod kay adunay posibilidad kon lain nga tawo nga ma-impluwensyahan sa bati nga binuhatan ug posibling maalaot.