AirAsia misuporta sa kampanya sa Bohol
ANG AirAsia ug kagamhanan sa lalawigan sa Bohol nilagda sa kasabotan uban sa USAID-COMPLETE dili pa lang dugay sa pagsuport sa kampanya sa turismo sa Bohol nga nag-ulohan og ‘Bohold Bohol!’ isip nag-unang destinasyon sa nasod, tinuok ASEAN region ug Asya sakay sa world’s best low cost carrier pinaagi sa Skytrax nga maghatag og dili katupngan sa koneksiyon.
Si Philippines AirAsia CEO Captain Dexter Comendador nagkanayon, “Our partnership is a another step forward in an ongoing journey towards providing connectivity and convenience with fresh new approach and experience to engage guests and increase passenger traffic to and from Bohol.”
Sa pagsaulog sa ilang panaghiusa, ang AirAsia nihimo nga 3x daily flights tali sa Manila ug Bohol (Tagbilaran) ngadto sa 4x daily sugod sa Marso 1 uban sa promo fares gikan sa P1,599 lang ug makuha kini sa airasia.com alang sa mobiyahe sa panahon gikan sa Hulyo 1 ngadto sa Nobiyembre 30, 2017.
“Our collaboration is built on a foundation that values a strong and innovative service culture which are the hallmarks of AirAsia’s brand of service. We value the community that we serve and as your official airline partner we are committed to connect Bohol and the Philippines to Asean and beyond,” dugang ni Comendador. Sila si Bohol Provincial Governor Edgar Chatto, Deputy Head of Program Office for US-AID Philippines Christopher Foley, NEDA Director General Dr. Ernesto Pernia, Department of Tourism Undersecretary Alma Rita Jimenez and Philippines AirAsia CEO Captain Dexter Comendador mao ang nangulo sa paglagda sa kasabotan.
Ang AirAsia, nag-una ug labing lapad nga low-cost carrier sa Asya, nagserbisyo halapad nga network sa kapin sa 120 destinations ug nakadala og pasahero nga 330 milyunes sud sa 15 pa lang ka tuig sa iyang operasyon.