Gihimo nga sex slave sa pamilya
MAISUGON nga gisaysay sa usa ka babaye ang katuigan nga gihimo siya nga sex slave, gibugaw ngadto sa mga kalalakin-an ug gipugos nga mogawas sa child porn nga gihimo sa iyang kaugalingong pamilya.
Si Jessa Dillow Crips, 29, mieskapo sa iyang kaagi niadtong 2010 ug wa magpaapekto sa iyang kasinatian niadtong bata pa siya.
Nag-edad siyag 10 dihang una siyang giabusohan sa mga sakop sa iyang pamilya.
Nagsugod kini dihang gipugos siya sa pagposing sa di kaayo maayo nga hulagway ug video uban sa mga child pornographer.
Ang kasinatian nibukas diin gibaligya si Jessa alang sa pakighilawas sa mga daghang mga higayon.
Kasagarang gibaligya siya sa mga kalungsuran sa Canada diin siya nagdako o didto sa ubang dapit sa Estados Unidos.
“The horror can’t be put into words, neither can the brothels I was taken to or the men and women I was forced to service,” saysay niya sa Global Citizen nga gikutlo sa Mirror News.
Di lang ang mga suod nga higala niya ang nakasaksi siya nga gipatay apan ang mga opisyal sa kapulisan lakip sa mibayad kaniay ug sa daghang higayon gipusasan siya, gilugos ug gihadlok siya nga kon manabi siya hayan mapriso siya.
Nakaeskapo si Crips sa mga midakop kaniya niadtong 2010 human nakakita siyag babaye nga nagtrabaho uban sa mga survivor sa human trafficking.
Uban sa iyang dakong pagsalig, si Crips naningkamot nga makalingkawas sa iyang bati nga kasinatian hinungdan nga migradwar siya sa kursong Clinical Counseling.
Pinaagi sa iyang trabaho nakat-unan niya nga kini nga sitwasyon kumon ra kini.