Unsaon pagpangita ug pagpili og girlfriend

DAGHAN nga mga lalake nga hangtod karon padayon pa nga nangita sa ilang gitawag og “forever’ apan wala sila nasayod kon asa pangita-on ug unsaon pagpangita.

Niay pipila ka mga sugyot kon asa ug unsaon pagpangita og girlfriend. Basin pa mao na ni ang tubag sa pangutana nga dugay na nga wa matubag:

1. Huna-hunaa kon unsa nga klase sa babaye ang imong gusto

Hatag og oras sa paghunahuna kon unsa’y imong gusto nga babaye, apan ayaw og focus og maayo kon unsa ang iyang hitsura. Ang importante kon unsa ang iyang batasan ug unsa siya nga klase sa babaye. Kon nakahuna-huna na ka, huna-hunaa sab kon unsa usab ang iyang gusto ug asa nimo siya pweding makita. Pananglitan gusto nimo nga babaye nga relihiyoso, so, ang target nimo adto sa mga religious nga dapit sama sa simbahan o apil siya sa kalihukan sa simbahan sama sa Youth for Christ ug uban pa.

2. Pakig-date og daghan nga mga babaye hangtud nga makita nimo ang imong gipangita

Kon single pa, pwede ra nga makig-date og daghan nga babaye hangtod nga imong makita ang imong gipangita. Kini nga pamaagi adunay duha ka mga tumong. Una, tungod kay dili nimo makit-an ang imong gipangita nga babaye kon ka usa lang mosuway og panguyab, mo-surrender na dayon. Ikaduha, sa imong pakig-date og daghan nga mga babaye, makatabang sa imong emosyon nga dili ka maka focus sa usa lang, kay kon mo-focus lang sa usa, mag-una kanunay ang hunahuna nga siguradong mosugot na ang babaye apan sa kaulahi-an dili diay.

3. Ipakita ang pagkamatinudanon ug kabuotan

Ipakita nga matinud-anon ka kaniya, dili lang sa estorya kon dili sa ipakita usab sa buhat tungod kay usa sa mga magustohan sa babaye sa usa ka lalake mao ang pagkagugihan ug kamatinud-anon. Apan kon gusto ka nga magdugay ang inyong relasyon sa usa ka babaye, ang kinahanglan lang nga buhaton mao ang paghigugma usab sa iyang mga gusto ug pagsuhito kon unsa ang mga butang nga dili niya gusto.

4. Ipakita ang pag-respito sa babaye

Mopakita og dako nga respito sa mga babaye ug ipakita usab nga dako siya og bili aron siya malipay ug makagusto sa usa ka lalake. Kadaghanan sa mga babaye dili ganahan nga ang ilang komedya ibaliwala lang sa usa ka lalake. Mas dali sila nga maglagot tungod kay usahay magpatagad baya sab ang babaye sa mga lalake, ilabina kon nakagusto kini. 5.Mopakita og mga pagdayeg sa usa ka babaye ug mga parayeg Pinaagi sa pagdayeg ug mga parayeg mas mapadali nga mahigugma ang usa ka babaye sa usa ka lalake, sama sa tuno sa sinulti-an bisan sa mga butang nga tan-aw nimo palpak siya, ipakita gihapon nga okay ra tungod kay aduna pa’y sunod. Ipagawas usab nimo ang mga komedya nga malingaw siya ug dili niya malimtan.

6. Ipabati kaniya nga luwas siya kanunay ug komportable siya kon ikaw ang iyang kaoban

Kon nagplano ang usa ka lalake sa usa ka babaye nga manguyab, mas maayo nga ipabati una sa lalake nga luwas ang babaye sa iyang kiliran tungod kay amdam siya nga manalipod niini. Mas maayo sab nga hatagan og kagawasan ang babaye labi na sa sitwasyon nga dili makagusto ang babaye, dili maayo ang mamugos tungod kay kon mosugot gani inig abot sa pabahon, ang duha ra usab ang mag-antos.