Pagminyo sa samang sex

UYON ka ba sa same-sex marriage? Taudtaod na kini nga isyu sa nasod ug usa sa mga nag-unang kalibotanong pagkabana bahin sa tawhanong katungod.

Miinit kini og balik human sa alegre nga debate sa Senado niadtong Lunes bahin sa giduso ni Sen. Risa Hontiveros nga Senate Bill 1271 diin nagdili sa

diskriminasyon bahin sa sexual orientation and gender identity or expression (SOGIE).

Nangugat s Sen. Manny Pacquiao nga nagkanayon nga bisan ang Bibliya wala magtugot sa crossdressing.

“Even in the Bible, we can read na ang babae, dapat magsuot na pambabae; at ang lalaki, magsuot ng panlalaki. That’s what I believe,” pulong ni Pacquiao ngadto kang Hontiveros.

Sa pagbinabaye og sinina sa usa ka lalaki, matod ni Pacqauio, gigamit sa “pagpanglingla” nga iyang gitumbok ang kaso ni Jennifer Laude, transgender

woman nga gipatay ni US Marine Pfc. Joseph Scott Pemberton niadtong 2014.

Gikataho nga si Pemberton nituok-patay ni Laude dihang nasayran nga kini usa ka transgender. Nasinta si Hontiveros ug niingon nga si Pacquiao dili mogamit sa pagbasol sa biktima.

“Si Jennifer ay nanamit kasunod ng kanyang sexual orientation at gender identity at gender expression. Siya ay naging totoo sa kanyang pagkatao. Ang nagka-krimen diyan ay si Pemberton,” matod ni Hontiveros.

Natukma si Pacquiao sa baroganan sa Simbahang Romano Katoliko apan nasukwahi sa grupo nga Lesbian, Gay, Bisexual ang Transgender (LGBT). Ang debate sa maong isyu sa bugtong nasod nga Kristiyano sa Asya nagpadayon.

Sa pagkakaron, way balaud sa ilang legal nga panagpuyo apan sila gawasnon ug wa pakganga.