2 GILUGOS SA LOLO

Mag-atubang og kasong rape ang lolo nga nisulod sa iyang tudlo sa kinatawo sa iyang 6-anyos nga apo niadtong Sabado sa gabii.

Ang 65-anyos nga lolo, natanggong karon sa prisohan sa Guadalupe Police Station human kini gidakop kagahapon sa kaadlawon.

Giangkon hinuon sa biyudo (ngan gipugngan), kinsa nagpuyo sa bukirang bahin sa dakbayan sa Sugbo, nga nahilabtan niya ang batang babaye apan gikamot ra kini niya.

Dugang sa suspek kinsa nahinabi sa tigbalita kagahapon nga nabuhat kini niya tungod sa iyang kahubog.

Nitug-an usab kini nga dili lang kini ang iyang nahilabtan apan lakip ang maguwang niini nga 8-anyos nga babaye. Apan niadto pa kining Disyembre diin pag-angkon niya nga hubog usab siya.

Base sa iyang pagsaysay, wala niya kini gikahilawas o gisulod iyang kinatawo sa kinatawo sa bata.

Matod niya nga nikuyog niya ang bata niadtong Sabado human kini nangayo kaniya og kwarta.

Tungod sa iyang kahubog iyaha kining gihilabtan diin gisulod niya iyang tudlo sa kinatawo sa bata.

Gipangutana pa kini niya og “Lami dae?” apan nitubag kini og “Sakit tay uy!”

Giingon nga iyaha kining gihunong ug nanggawas sila sa panimalay sa lolo aron manguha og utanon.

Nasayran nga anak sa pagumangkong lalake sa suspek ang batang babaye.

Gibutyag usab niini nga gibato siya sa iyang balay human nasayran sa amahan ang iyang gihimo sa apo.

Alas 2:30 na sa kaadlawon dihang na- blotter sa Women's and Children's Protection Desk sa Guadalupe Police Station ang maong insidente diin nadakpan usab ang suspek.

Ubos sa Republic Act 8353 kon ang Anti-Rape Law nga kon ubos sa 12-anyos ang gihilabtan bisan paman nga wala'y pakighilawas nga nahitabo, pabilin nga rape ang ipasaka batok sa suspek.

Gikatakda nga pasakaan og kaso ang suspek karong adlawa sa Cebu City Prosecutors Office.

Nangayo og pasaylo ang lolo nga suspek sa pamilya sa apo niini.