LOUIS TOMLINSON GIDAKOP
‘One Direction’ star Louis Tomlinson ang gidakop sa pulis sa pasangil nga nangulata og paparazzo didto sa Los Angeles International Airport niadtong Biyernes sa gabii.
Samtang babaye nga fan nga nag- video sa naunang lamok-lamok nga gikalambigitan ni Tomlinson ang gilayog sa singer dayon lambos ngadto sa sementado nga sawog ug wa matagbaw ang celebrity gisumbag pa ang nawong sa maong babaye.
Nasayran nga samtang nagpaabot ang singer, 25, sa iyang bagahe uban sa iyang girlfriend nga si Eleanor Calder, 24 sa baggage carousel, gibadlong niini ang photographer nga si Karl Larssen nagpunay og kuha sa iyang hulagway ug giingong nagmagahi ang kodaker sa pagsanong.
“He was actually smaller than me, but he got my leg and then I was off balance.
“He lunged for the camera then he lifted up my leg and then he hit me and I hit my own head.
“I think he came down with me.
“I was disorientated and I heard everyone screaming,” saysay ni Larssen ngadto sa pulis.
Nalinggatan ni Tomlinson ang iyang uyab nga si Calder nga nakigbinirahay og cellphone sa babaye nga fan nga diha sa airport nga nagkuha og video sa maong kagubot.
Buot pugngan ni Calder ang maong babaye sa pagvideo hinungdan nga “to the rescue si Tomlinson sa iyang girlfriend.
Gilayog sa boyband hunk ang maong fan pinaagi sa paggakos sa hawak dayon gilambos kini sa sawog ug sa pagkatumba gisundan og kumo tumong sa wala nga mata sa biktima.
Apan nakapiyansa og $20,000 (P980,000) alang sa temporaryong kagawasan ni Tomlinson ilabi nga mokiha ang babayeng biktima ngadto sa tawong iya untang giidolo.