Puro di andam

Dear Papa Joe,

Tawga lang ko sa ngalan nga Tina, 21 yearss old. Usa ko ka single mom. Nagsuwat ko nimo namasin nga matambagan ko nimo o makaingon ka ba nga sakto ang akong gibuhat.

Akong gibuwagan akong uyab nga maoy papa sa akong anak kay gatuo ko nga siya na pero dili diay kay na turn off ko niya karon kay feeling niya ulitawo. Pareho mi og pangita sa una ug naundang lang ko kay lagi nanganak ko. Siya usa ka dancer sa grupo ug ako sad dancer, entertainer sa Japan.

Abi nako siya limpyado kaayo kay lagi sa uyab pa mi pagkalimpyo nalang gyud apan dihang ga live in na mi, na turn off kaayo ko kay feeling gwapo pero di kalimpyo sa iyang kwarto ug ako pa ang molimpyo bisan naa koy gibantayan nga bata ug di gyud kamao mangita og laing trabaho, maghuwat lang og naay raket. Gusto siya og sayon nga pangita hangtod nga nahurot na akong savings gikan sa Japan ug gikapuyan na kaayo ko mao nga naka decide na ko nga mobuwag niya. Pero di siya mosugot.

Nitakas ko balik sa amoa. Mao ni akong suliran karon. Sakto ba ko nga nibiya ko? Angay ba ko nga makigbalik niya? Palihug tambagi ko.

TINA

Tina,

Ang akong masulti nimo mao nga padayon apan ayaw lang sa sirad-i ang pultahan nga magkabalik mo kay sa pagka karon, mga immature pa kaayo mo. Siguro kamo kamo rang edara. Mao gyud na ang kasagaran nga resulta sa relasyon nga dili pa andam.

Siguro na turn off pa lang ka karon kay wa ka mag- expect nga ing ana siya ka immature. But what if moabot ang time nga moasenso siya kay nausab na iyang panglantaw sa kinabuhi, di ba nimo dawaton na naa man moy anak? Apan kon wala gyuy kausaban, then okay pangita og laing kalipay. Sa pagka karon, ayaw sa sulti og patapos. Kana lang ug salamat.