MLhuillier, Asiatravel.com milagda og kasabotan
Garbo sa Sugbo nga MLhuillier Financial Services Inc., non-bank financial arm sa MLhullier Group, nilagda og kasabotan tali sa Asiatravel.com niadtong Marso 1 sa Cebu City Waterfront Hotel and Casino.
Ang kasabotan gitumong sa paghimo sa pagbiyahe nga mas sayon, makapili sa mas barato ug maabot nga serbisyo sa komon nga Pinoy labi na kadtong nagpuyo sa mga lalawigan.
Ang pagsulod sa kasabotan sa MLhuillier sa labing nga travel site sa Asya, ang buot mobiyahe sa sulod ug gawas sa nasod makahimo na sa pag- book sa ilang tiket, tour packages ug bisan sa hotel pinaagi sa bisan asang sanga sa MLhuillier sa nasod.
Si Nikki Rocha, executive vice president sa Asiatravel. com, niingon nga ang kapin sa dos mil ka sanga sa MLhuilier naghatag og platform sa pagpalapad sa customer base, bisan pag-abot sa hilit nga dapit nga way access sa internet o credit cards.
Ang Asiatravel.com usa ka online travel agency nga ang headquarters tua sa Singapore.
Dugang ni Rocha, ang Filipinos makahimo na sa pagbook sa kapin sa 200,000 hotels sulod sa 180 ka mga nasod, 500 airlines ug eight million full-packaged travel services, sa domestic ug international destinations pinaagi sa MLhuillier.
Sa paglikay sa taas nga linya sa MLhuillier, kini nipalambo sa co-brand site “Ka-byahe mo and MLhuillier” diin ang mga kustomer maka- pre-book flights o tour packages sa dili pa mobayad sa sanga sa MLhuillier.
Si Michael Lhuillier, presidente ug chief executive officer sa MLhuillier Philippines Inc., niingon nga iyang gihangop ang panag-uban sa Asiatravel.com sa pagpalambo sa ilang negosyo.
Matod niya, ang panagmakatabang sa kompaniya sa pagpalapad sa iyang mga kliyente gikan sa nagkataas nga grupo sa mga hilig nga mobiyahe.
Ang MLhuillier moabli og dugang 200 ka mga sanga ning tuiga sa wala pa maabot sa serbisyo sa Kabisay-an ug Mindanao.
“With this growing number of partners, we also intend to grow our network. We want to be present in every municipality,” matod ni Lhuillier sa Sun. Star Cebu atol sa press conference.