Pacman naleksiyon ni JMM

Alang sa usa ka bantugang boxing analyst sa Pilipinas, ang hinungdan nga wala na nakaposte og knockout nga kadaugan si Filipino boxing icon Manny Pacquiao sulod sa dugay nga panahon mao si Mexican legend Juan Manuel Marquez.

Adunay tiyuriya si Ed Tolentino niini: Ang counter right hand ni Marquez nga naka- knockout kang Pacquiao niadtong Disyembre 2012 nakawagtang sa dungog sa Pambansang Kamao sa Pilipinas nga grabe ka lisod pildihon.

Midugang si Tolentino nga nagpasabot kining naapektuhan ang mentalidad ni Pacquiao. “I do believe that Pacquiao’s failure to score a knockout is more mental than physical,” batbat ni Tolentino. “More like the debris left by Marquez stunning KO win a few years ago.”

Si Pacquiao katapusang nakapaundang og kontra niadto pang 2005 dihang nakaposte siya og 12th round TKO nga kadaugan batok kang Miguel Cotto.

Si Marquez, kinsa gitawag og “Dinamita,” maoy hinungdan nga magmatngon na si Pacquiao sa kanunay ibabaw sa ring ug nawala ang “dalang pamahala” nga ataki niini.

“Marquez exposed a flaw in Pacquiao’s offense, one that makes his lunging style susceptible to a perfect counter right. This explains why Pacquiao no longer goes full throttle on offense,” pasabot ni Tolentino.

“Notice that he stops when he appears to be ready to go for the kill. He doesn’t want to make the same mistake again.”

Nidugang si Tolentino nga ang mga kalihukan ni Pacquiao sa gawas sa boksing nakaapaketo sab sa iyang inawayan.

“He is a politician, an entertainer, a Bible preacher. When you have so many things in your head, it is very hard to focus on one goal. And in boxing, a fragmented mind affects your concentration,” asoy ni Tolentino.

/ AP GI-KNOCKOUT. Maayong pagkakulob ni Manny Pacquiao niining higayona human maigo sa upper cut ni Juan Manuel Marquez sa away niadtong 2012. Human niadto nagmatngon na karon sa iyang mga away hinungdan nga wala na kaayo siya makapupo og knockout nga...