Karaang merkado sa Mandaue hingpit na nga gi-demolish
Nagmalinawon ang pag-demolish sa mga nagpabiling mga istruktura sa karaang Mercado sa Mandaue nga giakupahan sa mga iligal nga tindera, sumala pa ni Atty. Omar Redulla, sa city legal office sa dakbayan.
katapusang gilugwayan sa mayor sa boluntaryong pagpaguba sa mga barongbarong sa iligal nga naninda sa dalan Gomez, Burgos ug Ceniza niadtong adlawong Lunes.
Si Mayor Luigi Quisumbing sa dihang nahinabi sa mga balita niadto nagkanayon nga wagtangon niya ang kapin sa 500 ka iligal nga naninda sa dapit nunot sa reklamo sa mga 1,500 ka lehitimong naninda sa bag-ong merkado luyo sa sports complex nga sila “gila-ngaw” ug apektado sa presensya sa mga iligal nga naninda.
Gawas niini, way buhis nga gibayran ang mga iligal vendors sanglit wa man kini gilukat nga mga permiso gikan sa city hall.
Gawas sa pagwagtang sa iligal nga naninda, tuyo usab sa demolisyon nga kalimyuhan ang dalan aron kaagian sa sakyanan.
Nasuta sa Superbalita Cebu nga sagad sa mga tindahan sa dapit ni-okupar na sa sidewalk ug huot na kini agian sa mga sakyanan.
Saysay ni Redulla nga sayo sa buntag sila nangdemolish kagahapon aron di makapahuot ang operasyon sa trapiko sa dalan.
Matod ni Redulla nga mipasalig ang mayor nga mahatagan niya og relocation site ang mga illegal vendors sama sa planong night market sa dakbayan. /