USJ-R TEAM MIDAUGSA 13TH SWEEP
Usa ka proyekto sa team gikan sa University of San Jose-Recoletos (USJ-R) nga nangita og solusyon sa pagkonektar sa mga tawo nga nanginahanglan og dugo ngadto sa posible nga donor pinaagi sa mobile app ang nidaug nga grand prize sa 13th SWEEP (Smart Wireless Engineering Education Program) Innovation and Excellence Awards.
Angteam nga nagtuod sa BloodSeeker nidaug og P300,000 atol sa national awarding sa Mind Museum sa Taguig City niadtong Pebrero 9.
Ang tunghaan nakadawat og katunga sa naasoy nga ganti. “We are overwhelmed by the
win,” matod ni USJ-R College of Information, Computer and Communications Technology
dean Greg Gabison human sa awarding.
Ang BloodSeeker gihimo sa mga tinun-an sa USJ-R na sila si Kirster Kyle Quinio, Alyzza Villahermosa, Harniel Salmeron ug Sept Lozada.
Ang app ug wesite nagpasayon sa proseso sa pagdonar og dugo ngadto sa nanginahanglan og dugo.
Ang team niguggol og pipila ka semana sa paghimo sa produkto, pagsuway sa iyang
market demand, ug pagtuon sa posible nga negosyo nga malahutayon.
Ang mga miyembro sa BloodSeeker gisultihan sa mga hurado kon nakaistroya na ba sila sa ilang posible nga partner sama sa Philippine Red Cross ug Department of Health - Central Visayas.
Gipasabot sa team nga nakdawat sila og maayong feedback gikan sa unang pagpahigayon sa app ug website uban sa ilang
potential partners ug users. Si Gabison nagkanayon nga ang mentorship nga gihatag sa SWEEP dako og natabang sa mga tinun-an sa pag-umol sa maayong konsepto ngadto sa nindto nga ideya ug working prototype.
“Going through a mentoring process is not common in universities. You’re actually being mentored by business leaders, technology gurus,” matod ni Gabison. Ang paghatag og mentorship sa market potential ug business nga habig sa programa maoy nag-unang nga bahin sa pagsugod sa pagpalambo sa engineering education. “It just can’t be technology. You have to have a business model. You have to do market testing and validation. We’re helping these students complete the process that anyone who goes through this has to do anyway,” matod ni Smart Public Affairs Group Head Mon Isberto.
Laing tulo ka mga tampo sa USJ-R nga nalakip sa top 10
finalists: Ethelon, pagpares sa buot moboluntaryo sa charity
events; Hitch: usa ka sistema nga nahatag sa mga tawo sa pagpaambit sa pagsakay nga dunay bayad; ug Tourista: usa ka app nga nag- highlights tour
packages alang sa mga kompaniya sa travel. / PR