Grand slam lisod ikuha
Dali nga gipadaplin ni San Miguel coach Leo Austria ang paghisgot kabahin sa grand
slam title human naangkon sa Beermen ang korona sa Philippine Basketball Association (PBA) Philippine Cup niadtong Dominggo.
Human napukan sa Beermen ang Brgy. Ginebra Gin Kings, 91-85, sa Game 5 nga maoy naghuman sa finals series, 4-1, ug naghatag kanila sa ilang ikatulong sunodsunod nga Philippine Cup title, gipangutana dayon si Austria kon unsa’y poruhan sa Beermen nga makabaton pagbalik og grand slam title.
“It’s really hard to win in the import conferences,” pasabot ni Austria sa interbyu sa ABSCBN Sports.
“Ang advantage namin sa All-Filipino is June Mar Fajardo. With the import, nawawala ‘yung advantage niya, unless we can find an import who cancels out the import of our opponent.”
Nidugang si Austria nga mubo ra sab nga torneyo ang Commissioner’s Cup ug Governor’s Cup hinungdan nga lisod ang paghari niini gumikan kay sa gamay’ng sipyat, puwede nang mawad-an og poruhan.
Ang Beermen, nga nakadaog og grand slam title niadtong 1989, midaog og upat sa miaging pito ka mga komperensya apan tulo niini nagagikan sa All-Filipino Cup.
Mingdaog lang ang Beermen og import-laden conference niadtong 2015 PBA Governors’ Cup.
Sa miaging tuig, nagkaproblema ang Beermen sa ilang nakuhang mga import.
Alang kang Austria, wala siya maghunahuna sa Grandslam title gumikan kay gusto pa niyang hangupon ang katam-is sa nakuha nilang Perpetual Trophy, nga makuha lang sa team nga makabira og tulo ka sagunson nga Philippine Cup titles.
“Tatlong taon mo itong paghahandaan eh, and the other 11 teams always try to win a championship in the All-Filipino, because this is the most prestigious conference,” pasabot ni Austria.
“They keep strengthening their team, nagbi-build up, so you can never know what will happen in the next conference.”