5,400 pwersa mobantay sa summit
Pwersa sa seguridad sa pagsugod sa ASEAN Summit sa Sugbo, gihimo kagahapon ang send off ceremony sa 5,400 ka mga sakop sa Task Force Group.
Ang mga sakop niini gikan kini sa 21 ka mga national agency nga mao'y mosiguro sa seguridad sa nagkadaiyang aktibidad sa summit.
Lakip sa task force group ang mga sakop sa Philippine National Police (PNP), Armed Forces of the Philippines (AFP), Bureau of Fire Protection (BFP), Philippine Air Force (PAF), Philippine Coast Guard (PCG), Maritime ug ubang ahensiya sa gobyerno.
Atol sa send off kagahapon gitambungan kini nila ni Ambassdor Marciano Paynor Jr. Chief of Presidential Protocol, Retired Brigadier General Cesar Yano Vice Chairman sa Committee on Security, Peace and Order, Emergency Preparedness and Response sa ASEAN 2017, Police Director General Napoleon Taas Commander sa ASEAN Security Task force, Police Regional Office (PRO) 7 ug Commander sa Task Group Cebu sa ASEAN 2017 Chief Superintendent Noli Taliño ug Lapu-lapu Acting Mayor Marcial Ycong ug ubang mga opisyal.
Matod ni Taliño. ang 5,400 ka mga sakop ASEAN Security Task Force gitahasan aron pagsiguro sa seguridad sa ASEAN delegates ug aron usab hapsay ug malinawon nga mahuman ang kalihokan.
“Baka mag-implement tayo nga selective areas na magkakaroon ng shut down but pag-usapan naming yan depende sa situation,” matod ni Taliño.