GINSGISUBHA'G PILDE
Gisugat og kapildihan ang kampanya sa crowd-favortie Barangay Ginebra sa PBA Commissioner’s Cup human kini patapsingi sa Phoenix Petroleum Fuel Masters, 94-91, sa out-oftown game didto sa USEP gym sa dakbayan sa Davao.
Gikan sa pugdol nga perofrmance niadtong Dominggo, si Matthew Wright ang nahimong mahait nga hinagiban sa Fuel Masters sa dihang mipakatap kini go 27 puntos, ug ang iyang duha ka free
throws sa himatyong segundos maoy naghatag og kasiguroan sa ilang kadaugan.
Apan sa wala pa kini niya himoa, ang off-balance nga putball ni JameeL Mckay sa sipyat ni Norbert Torres, maoy nagbuhi sa ilang paglaom ug naghatag kanila sa ilang unang kadaugan human sa duha ka sunodsunod nga kapildihan. Ang Phoenix aduna na karon 2-2 nga baraha. “The Matthew Wright that we know showed up,” matod
ni Phoenix coach Ariel Vanguardia human sa duwa. “He really lifted us today.” “But it was a team effort,” matod niya. “Cyrus also delivered, and Jameel and Norbert controlled the rebounds.”
Ang Gin Kings nakigkombati nga wala si Justin Brownlee sa katapusang siete minutos human gipagawas ni coach Tim Cone kon tungod sa injury.
Sa pagkawagtang ni Brownlee, si Jervy Cruz maoy nangulo sa all-Filipino Gins diin mipuga kini go 10 puntos sa fourth quarter diin ang Ginebra nakasikit pa og maayo ug gani nakalabaw pa kini, 91-90, human sa jumpshot ni Japeth Aguilar sa katapusang 45 segundos ang nahabilin.
Apan gibawsan ni Mckay kinsa nakakuhag offensive rebound aron labnihon og balik sa Phoenix ang bitaha ug ang turnover sa Ginebra diin wa makuha ni LA Tenorio ang pasa ni Joe Devance maoy naghatag og kahayag sa Phoenix.
Si Wright mikompleto sa iyang impresibong nga performance sa kagabhion pinaagi sa tulo ka triples, unom ka rebounds, tjulo ka assists ug usa ka steal nga igo ra kaayong nakabawi sa iyang unom ka turnover sulod sa 29 minutos. Samtang si Mckay adunay 28 ka rebounds, 15 puntos, tulo ka steals, duha ka blocks ug duha ka assists.