Kaso sa kanhi duha ka mayor giabsuwelto
Giabsuwelto sa Office of the Ombudsman for the Visayas ang mga kasong kriminal batok sa duha ka mga kanhi bise mayor ug trabahante sa lungsod sa Sogod, amihanang Sugbo.
Si Graft Investigation and Prosecution Officer Rheia Tibon nibasura sa mga kaso batok nila ni kanhi Sogod bise mayor Dean Severo Dosado, kanhi bise mayor Nicasio Bacayo, ug utility worker Zita Dosado gumikan sa way igong kapasikaran.
Ang Field Investigation Office sa Visayas Ombudsman nipasaka sa mga kaso batok sa nahisgutang mga kanhi opisyal ug empleyado gumikan sa giingong unliquidated cash advances niadtong 2008.
Nagsugod ang kaso sa suwat gikan ni Dominico Moneva nga nipasangil sa mga kiniha nga dunay mga unliquidated cash advances.
Sa suwat ni Municipal Accountant Elizaldo Cerio pinetsahan og Marso 26, 2014, kini nagbutyag sa mga cash advance ni Dean, P81,328.76; Zita P20,804.50; ug Bacayo P29,941.59; sukad niadtong 2008. Base usab sa summary of cash advances and liquidation/refund nga giduso ni Acting Municipal Accountant Erlita Montecalvo.
Ang reklamante nipasangil sa mga kiniha nga nakalapas sa Commission on Audit Circular No. 97-002 gumikan sa kapakyas nila pag-liquidate sa ilang tagsatagsa ka cash advances.
Niadtong Septiyembre 29, 2015, ang Ombudsman nimando sa tulo sa pagduso sa ilang counter-affidavits ug sa reklamante pagsang-at sa iyang tubag.
Si Bacayo sa iyang counterniingon ang cash advance nga nagkantidad og P11,119 alang sa opisyal nga biyahe niadtong 2011 kay wa madayon tungod sa dautang panahon.