Mga karaang istorya
Niadtong 1857, ang primerong American Chess Congress giduwa sa New York. Nidaug si Paul Morphy kontra ni Charles Stanley. Gitagaan niya ang asawa ni Stanley og $100. Agig pasalamat, iyang ginganlan ang sunod niyang anak nga babaye og Pauline.
Sa tuig 1864, gidakop si George Mackenzie nga Kapitan sa Union Army kay nilayas. Napriso siya og kadiyot ug paghuman niadto sa New York, na-champion sa Amerika pagka 1867. Si David Janowski nidaug og
tournament sa Monte Carlo ug nahurot pagpusta iyang daog sa casino nianang adlawa. Gitagaan nalang siya og ticket sa casino pagpauli.
Ang chess-playing machine nga ginganlan og Ajeeb gibutang sa Coney Island sa tuig 1915. Naay miduwa nga pirmeng napilde ug sa kalagot iyang gipusil ug namatay ang nakatago nga operator. Naa say babaye nga napilde ug gikuha niya ang iyang hapin ug gidunggab ang makina ug naigo sa baba ang operator.
Si Grandmaster Ossip Bernstein gidakop sa Odessa niadtong Russian Revolution sa 1918 ug patyonon na sa firing squad kay adviser siya sa mga banko. Gi lineup na sila ug naay opisyal nga gitanaw ang listahan sa mga patyunon ug nakita niya ang ngalan ni Bernstein. Gipangutana siya kon siya ba ang ilado nga grandmaster. Pagtando niya, nikuha ang opisyal og chess set ug gihagad siya nga moduwa. Kon matabla o pilde pusilon siya. Sayon ra siya nidaug ug gibuhian dayon.
Si Marcel Duchamp, ang ilado nga pintor, naminyo sa iyang primerong asawa, Lydie, sa tuig 1927 ug naghoneymoon sila. Human sa pipila ka adlaw, nikanaog ang iya asawa sa kagabhion ug gi- glue ang tanang piesa sa chessboard. Napul-an na kay sige siya magtuon og chess. Na- divorced sila human sa tulo ka buwan.
Sa 1920s, si Aron Nimzowitsch niadto sa Israel ug miduwa sa chess club nga walay nakaila niya. Gipilde niya ang tanan ug ang usa ka kibitzer misulti kaniya “Maayo jud ka moduwa. Ang imo style murag si Nimzowitsch..."
Sa tuig 1931, si Geza Maroczy ni challenged ni Aron Nimzowitch og pistol duel sa usa ka tournament sa Bled kay nagkalalis sila sa ilang duwa ug nibalibad siya.
Sa 1930s, si world champion Max Euwe nagsakay og train ug nag analysed sa iyang pocket chess. Naay tawo nga niduol niya ug gihagad siyag duwa. Nisugot si Euwe ug gaduwa sila. Wa jud kadaug iyang kontra ug gisultian siya "Karon Iang ko napilde og daghan nga sunodsunod nga duwa. Sa chess club ginganlan ko og 'Little Euwe'."
Sa depression sa usa ka tournament sa New York ang champion nidaug og usa ka keg nga schmaltz herring.