Alaska-Phoenix; TNT vs. GlobalPort

Mga duwa karon: 4:15 pm. Alaska vs. Phoenix 7:00 pm. TNT vs. GlobalPort Human sa pipila ka adlaw nga pagpahuway, gipaabot nga mabalikan na sa ensaktong enerhiya ang Alaska Aces nga makigbatok sa di usab ka kompiyansaan nga Phoenix Fuel Masters karong gabii sa Smart Araneta Coliseum.

Ang kadaugan sa Alaska maoy makapalig-on sa ilang paghupot sa ikatulong puwesto samtang ang Phoenix nanglantaw usab sa pagputol sa duha ka sunodsunod nilang kaparutan lakip na niini ang 94-96 nga masakit nga kapildihan sa mga kamot sa Rain or Shine bisan pa man og nakapusti na sila og 17 puntos nga labaw naidtong Miyerkules.

Alang ni Alaska coach Alex Compton nga kadto maoy maghatag sa Phoenix og dakong hagit nga posibling ilang magamit batok sa Aces. “Phoenix is a better team than their record indicates,” matod ni Compton.

“I thought they were excellent for most of the Rain or Shine game and Rain or Shine just had a great rally at the end,” dugang niya.

“( Jameel) McKay is such an active, aggressive player who really uses his length to his advantage,” pasidaan ni Compton.

Gipaabot nga si Compton mosandig sa iyiang mga local nga kasalilgan nga sila si Calvin Abueva, Sonny Thoss, Jayvee Casio ug Kevin Racal. Mobalik na usab si Dondon Hontiveros.

Samtang sa laing duwa, hugot nga kombati ang atubangon sa TNT Ka Tropa sa ilang pagpakigsangka sa GlobalPort sa main game.

Tinguha karon ni Jason Castro ang pagpadayon sa ilang pagpamupo og mga kadaugan isip sumpay sa mga kalampusan nga sa sayo pa ila nang naangkon. Ang Ka Tropa-Batang Pier encounter magsugod sa alas siete sa gabii.

“It’s good to be where we are right now but the tough challenges are ahead of us,” matod ni TNT coach Nash Racela.