Love is nothing without you

Migakos ko kang Ariel. Hugot ang pagbilikis sa akong mga bukton sa iyang lawas samtang naglingkod mi sa seawall sa SRP. Karon nga summer, anhi mi magpalabay si Ariel sa SRP kon hapon. Bugnaw ang hangin dinhi ug makapawala sa kaalimuot.

“Tell me, Ariel, nga nagkumedya ka lang.”

Bisag giunsa ko sa pagpugong, mitulo gyud ang akong mga luha.

“W-Wa ko magkumedya, Nikki. Gusto nila ni Mama ug Papa nga adto ko sa Manila mopadayon sa kursong Accountancy.”

Nabatyagan ko nga gigakos sab ko ni Ariel. We’re lovers almost two years na. Sakit kaayo para nako nga magkalagyo mi. First year pa mi sa college dihang nagkahinigugmaay mi si Ariel. Nagkaila mi kay parehas man mig kurso nga giku- ha. Third year na mi karon.

“Unsaon na man lang ang atong relationship. Ariel? Don’t

tell me nga ingon lang ani kadali ang pagkawagtang sa love mo nako?” Naghingus-hingos ko samtang namahid sa akong mga luha sa akong palad.

Mibuwag na kog gakos kang Ariel kay sa akong pamatyag, mihuot pag-ayo ang akong dughan. Nakalitan gyud ko aning hitaboa. Wa ko magdahom nga biyaan ko sa akong boyfiend. “Magpabilin kini, Nikki. As

usual, ikaw gihapon ang nia sa akong kasingkasing bisan tua ko sa layo.”

“Dali ra ang pagsaad, Ariel, pero lisod pakigbatokan ang tentasyon. Daghang guwapa sa Manila.”

Wa ko itago kang Ariel ang akong gibating kabalaka. Wa pa gani siya makalarga paingon sa Manila gibati ko na ang insecurities. Tinuod man sab nga daghang tentasyon sa maong lugar. Di gyud ko mahimutang ani samtang tua na sa layo ang akong boyfriend.

“Salig nako, Nikki. Kon love gyud ko nimo, di ka magduha-duha sa akong gugma nimo.”

Nakapiyong ko dihang gihagkan ni Ariel ang akong aping. Nagpabilin kong nagpiyong dihang namatngonan ko ang pagdapat sa iyang mga ngabil sa akong lips. Dugay ming naghinagkanay. Unya miduko ko pagkahuman. Miginhawa kog lawom.

“Gusto kong madungog nimo, Nikki, ang usa ka saad nga ako ra ang imong higugmaon forever.”

Miyahat ko. Gihapuhap ko ang hamis ug lamurok nga aping ni Ariel. Samtang sa akong mga mata, nanglugmaw na sab ang akong mga luha.