You’re my one and only
Bisag diha na ko sa atubangan ni Monsour ug sa babaye nga iyang gikasulti, nakita ko gihapon nga malipayon siya. Gusto kong magselos apan gipakita ko sa akong
boyfriend nga wa ko hatagig laing kahulogan ug malisya ang iyang pagpakig-estorya sa maong girl.
“Clarisse, si Lorna. My sweet girlfriend.”
Nakapahiyom ko. Nalipay kaayo ko sa pagpaila ni Monsour ngadto sa babaye nga iya kong trato. Malipayon si Clarisse nga mikidhat nako. “Nice to met you, Lorna.” “Ako sab, Clarisse.” Naglamanohay mi si Clarisse. Unya mibiya siya namo ni Monsour. Giagbayan ko sa akong boyfriend ug mibiya mi sa lobby sa university. Proud kaayo ko nga sweet si Monsour nako. Kami ra ang gitan-aw sa kauban namong mga estudyante labi na gyud sa mga babaye. Segurado kong nasina sila nga nahimo kong girlfriend ni Monsour. “Unsay ikasulti mo kang Clarisse, Lor?”
Nakalitan ko sa pangutana ni Monsour. Wa gyud ko magtuo nga hisgotan niya si Clarisse nako.
“Aw, unsa pa? Guwapa siya. Nindot pa gyud og lawas.”
Gipahiyoman ko si Monsour. Gipakita ko niya nga wa koy gibating insecurities kang Clarisse.
Gusto kong ipakita kang Monsour nga dako kog pagsalig niya, ug mituo ko nga
love gyud ko niya. “Suwerte ang laki nga mahimo niyang boyfriend, di ba?”
Wa koy tingog nga mitando. Gusto na gyud kong ipabatyag kang Monsour nga nagselos ko kang Clarisse. Apan nagpugong lang gyud ko sa akong kaugalingon. Nahadlok ko nga masuko si Monsour kay nagduha-duha ko sa iyang gugma nako.
Gipalabi ko na lang nga magpakahilom. Gihatod ko sa akong boyfriend sa akong
classroom. Unya, sa wa pa siya mobiya, gihagkan ko niya sa akong aping. Aw, kanunay man kini niyang buhaton nako. Nuon, sa sulod sa sinehan kanang manan-aw mi, sa
lips ko niya hagkan. Mibabay ko kang Monsour dihang mibiya na siya nako. Moadto sab siya sa iyang classroom. Lain-lain ang kurso nga among gikuha. Si Monsour ang akong inspirasyon. Mao bitaw nga dagko kog grado. Pagka hapon, wa dayon ko mopauli. Nakigpanan-aw og sine si Monsour nako. Ug sa unang higayon, nagpanghikap si Monsour sa delikadong bahin sa akong lawas.
Nakalitan ko sa iyang gibuhat. (SUMPAYAN)