9 KA MGA PAMAAGI SA PAGDAGINOT OGTUBIG

Karon nga panahon sa ting-init, nasinati na usab ang kanihit sa tubig. Matod sa Philippine Institute for Development Studies nga ang average nga pamilyang Pilipino, mogamit kini og duha ka litros nga capita matag adlaw alang sa pang-inom, upat ka litros alang sa pagluto ug lima alang sa paglaba.

Samtang laing 23 ka litros alang sa sa personal hygiene o pangkaligo ug 20 alang sa pagpanglimpyo.

Aduna’y duha ka mga pamaagi sa pagkonserbar og tubig, ang paggamit niini pagbalik o ang pag- recycle.

Ang Metropolitan Cebu Water District (MCWD) nitambag sa mga konsumidor niini nga regular kini nga mag- check sa ilang gripo, sa kasilyas ug tubo nga aduna’y leak aron mataho kini sa ilaha ingon man nga maayo dayon kini.

Ania’y 9 ka pamaagi sa pag-konserbar og tubig.

Limitahi imong pagkaligo sa tulo ka minutos.

Nahibawo ba ka nga ang pagshower o pagkaligo nimo og upat ka minutos naggamit na kini og 20-40 ka gallon sa tubig?

Gamit og planggana aron masawod ang tubig sa pag- shower.

Magamit ang nasawod nga tubig panglimpyo ug pangfl ush sa inidoro.

Kon manghugas ka sa plato, ayaw biyae nga abli ang gripo.

Gamit gihapon og planggana sa paghugas sa plato aron masawod ang ginamit nga tubig ug magamit usab kini nga pang- flush.

Kon mag shave o mag- toothbrush, ayaw padagana ang tubig. Gamit og container o baso.

Kon manglaba usab ka, e- recycle ang tubig nga winaswasan, magamit kini panglimpyo sa balay o kaha alang sa imong carwash.

Ayaw padagana ang tubig sa frozen nga karne, ipagawas kini sa refrigerator pipila ka oras sa dili pa kini lutuon.

Gamit og silhig ug ayaw gamit og hose sa paglimpyo sa garage o balcony.

Pangandam sa uwan ug gamit og para pundo og tubig alang sa uwan, pwede kini nimo magamit nga pang-bubo sa tanom o panglimpyo sa balay o sakyanan.

Pamubo sa tanom sayo o sa hapon na aron ma- maximize ang paggamit sa tubig.