Nakasuway na ba ka nga gi-abuso sa imong kanhi o kasamtangang relasyon?

John Raymond Carmona

I remember sa akoang ex-bf nga akoa lang man unta siya gi-surprise kay Valentines Day. Katong akoang gipalit nga flowers and chocolates para masurprise sya kay akoa jud to gitiguman ug excited kaayo ko nga i-surpise siya. Nagbiyahe ko mga hapon from San Remigio to Cebu City aron lang mapatunayan nako sa iyaha seryoso ko. Kaso pag-abot nako sa boarding house imbes na masurprise siya, naglagot siya nako ngano kunong nag adto-adto pa ko ug naa pa ko mga flowers ug chocolates. Iyahang gilabay ang flowers sa akoang atobangan ug iyaha kong gisumbag. Ako ang nasurprised sa iyahang gibuhat. Naghilak ko sa iyahang atubangan ug nangutana nganung iyahang gibuhat sa akua to kaso niingon siya buwag na daw mi. Ouch ka sakit grabe mas sakit pa ang iyahang pagbuwag naku sa walay rason. But I learn from my mistake nga nag pakatanga ko sa gugma before but karon I am happy with my hubby. Mag 1 year nami. Happy kaayo ko kay wala siya bisyo ako lang.

Honario Sarvida Barotag

Ako wala ko kapangabuso bisan si kinsa, mas sila mo abuso sa ako-a pero sa tinuod baya , bawal abuso sa ako-a, mas mopili ko sa RESPETAR.

Cecil Plochinger

Giaboso ko sa una. Pinoy walay trabaho, palahubog, babaero, tapulan, sugarol. Namana ko German ug nag-work ko sa Germany.

Jan Lei Mahusay

Abuso? Kaayo! Kanang gi-abusaran jud ang imong gihatag nga tsansa niya nga mag bag-o na. Ang nahitabo kay nasakpan nako sya nga naay ka chat ug video call. Pwerteng hilak nako ato the first time. Nakasod jud kog simbahan ahat ato pero ako ra gihapon gipasaylo. Sa ikaduha, sakpan gihapon nako kay ga video call nasad. Paets. So, buwag gyud daun ang show. Lisud na jud mutuo ug salig sa mga tawo karun.

Dal Rey

Nakasuway ko ana permi sa wala pa mi makasal. Sigihan ko og abuso sagad inig ka 10 a.m. ug 3 p.m. Gilugos ko ana mga orasa. Luguson ko niya pa snack ug saging bbq bisan busog ko.

Radharani Berbesada

Nakasulay oy. Kamangtas nalang atong akong ex, physically wa man noon pero financially ug emotionally abuso jud. Maglagot ko nako nga maghunahuna nga naisahan ko sa buang. Sige lang, matokhang ra na siya soon.

Geraflor Mandawe Cadogdog

Nakasulay ko na giabuso ko’s akong kanhi. Sa una sukmag ug pitlok ako natagamtaman. Makatagam. Halos mamatay ko sa kahadlok ug kaguol. Ako gibuhat nakigbuwag ko niya bahala og sakit sa akong buot kay wala naman ko kaila niya. Gisayonsayon rako. Pero, tanan naa juy rason. Karon kita nako og lain malipayon ko.