Drug test sa mga piniriso?

Si Supt. Arnel Peralta, warden sa New Cebu City Jail, nihangyo kang Cebu City Mayor Tomas Osmeña nga ang kagamhanan sa siyudad mao ang moabaga sa gasto sa drug test sa mokabat sa 4,350 ka mga piniriso sa maong bilangguan.

Matod pa niya, ang direktiba sa pag- drug test sa mga binilanggo nagagikan sa ilang ulohang buhatan apan wa sila hatagi og pundo alang niini. Maoy hinungdan nga nangayo siyag tabang sa mayor.

Si Dr. Alice Utlang, hepe sa Cebu City Office for Substance Abuse and Prevention (Cosap), niingon nga mobalor og P75 ang matag drug testing kit. Busa mokapin sa P300,000 ang gastuhon sa syudad alang sa drug test sa mga piniriso sa city jail.

Si Mayor Osmeña andam nga mohatag sa gihangyo ni Peralta nga gastuhon sa drug

test sa mga piniriso sa city jail. Matod pa niya, adunay pundo ang syudad alang sa peace and order nga magamit alang sa maong drug test.

Apan di siya segurado kon unsay buhaton niadtong mga binilanggo nga masuta nga positibo sa illegal nga drugas kay detinido na man sila. Apan maayo na lang nga mahibaw-an kinsa sa mga pinisiro ang tiggamitan og ilegal nga drugas.

“What I’m thinking is, it’s kinda useless because if found guilty, what they will do? They’re already in jail. What’s the whole point? But it’s good that we should know. Isn’t it funny we can’t put them in jail if found positive? But I will support the move. I think we should know at least,” matod pa sa mayor.

Mora bitaw og makapahimuot ang pag-drug test sa mga binilanggo. Unsa man ang ilang buhaton niadtong mahibaw-an nga positibo sa illegal drugs nga tua na man sila sa sud sa prisohan?

Ang kuyaw kon ang jail management moingon nga kadtong positibo sa illegal

drugs pagawson aron di matakdan ang uban. Okay lang kon positibo ang tanan kay wa nay kabalak-an nga duna pay matakdan.

Naghitak gihapon ang ilegal nga drugas sud sa mga bilangguan. Tubagon una kon kinsay nagpalusot sa drugas sa mga bilangguan. Kon dunay drug test sa mga binilanggo, mas maayong unahon ang drug test sa jail guards.

Unsa man ang ilang buhaton niadtong mahibawan nga positibo sa illegal drugs nga tua na man sila sa sud sa prisohan?